२०८० पुस १४शनिवार जुम्री खोलामा सरसफाई गरिएको छ । प्यूठान नगरपालिका ४ जुम्री खोल वरिपरी स्थानीय र जनप्रतिनिधिले सरसफाई गरेका छन् ।
प्यूठान नगरपालिकाको वडा नं–२, ३ र ४ हुँदै जुम्रीबजारको वरिपरी भएर बग्ने खोलाको स्थानीय समुदाय सहित जनप्रतिनिधिहरुले सरसफाई गरेको प्यूठान नगरपालिकाका प्रवक्ता सुमनराज श्रेष्ठले जानकारी दिए ।
जुम्री खोलाको पर्यावरणलाई हराभरा र स्वच्छ बनाउन खोलामा आएका प्लास्टिक एवं फोहोरहरुलाई व्यवस्थित गरिएको छ । सरसफाई कार्यक्रममा प्यूठान नगरपालिकाका उपप्रमुख देवेन्द्र वर्मा, नगरप्रवक्ता एवं वडा नं– ४ का वडाध्यक्ष सुमनराज श्रेष्ठ, वडा नं २ का वडाध्यक्ष मोहन सिह बिस्ट लगायत गरि करिव १ सय जनाको उपस्थिति रहेको थियो । जुम्री बजारको सौन्दर्यता तथा व्यवस्थापन गर्नका निम्ति स्थानीयसँग हातेमालो गर्दै प्यूठान नगरपालिका अग्रसर हुने बताईएको छ ।
फोटो : मुक्ती प्रसाद शर्मा
