प्यूठानमा प्रहरीका कर्मचारीहरुका लागि च्याउँ खेती सम्बन्धी तालिम दिईएका छ । आइतबार एकिकृत कृषि तथा पशुपंक्षी विकास कार्यालयको आयोजना तथा जिल्ला प्रहरी कार्यालय प्यूठानको सहजिकरणमा प्रहरी कर्मचारीहरुको परिवारलाई च्याउँ खेती तालिम दिईएको जिल्ला प्रहरी कार्यालय प्यूठानले जानकारी दिएको छ ।

सिताके च्याउँ खेती तालिम नमुनाको रुपमा जिल्लामा पहिलोपटक सञ्चालन गरिएको एकिकृत कृषि तथा पशुपंक्षी विकास कार्यालय प्यूठानका निमित्त प्रमुख उमेशचन्द्र श्रेष्ठको भनाई छ । साथै तालिम प्रभावकारी भएको खण्डमा आगामी दिनमा निरन्तर विस्तार गर्ने लक्ष्य रहेको बताए ।

जिल्ला प्रहरी कार्यालय प्यूठानका प्रहरी प्रमुख नायव उपरिक्षक इश्वर थापाले सीपमुलक तालिम प्रहरी कर्मचारीको लागि आवश्यक भएको बताए । यस्तो तालिमले प्रहरी कर्मचारीहरुका परिवारहरुलाई आयआर्जन तथा आत्मनिर्भर बनाउन सहयोग पुग्ने बताउँदै प्रहरी कर्मचारी परिवारवीच पारस्परिक सद्भाव र मनोसामाजिक स्वास्थ्य प्रर्वद्धनमा सहयोग पुग्ने बताए ।

तालिममा कृषि अधिकृत केशवराज खनाल र कृषि प्रशिक्षक आमोश चौधरीबाट प्रशिक्षण गरिएको थियो ।