२०८० पुुस २१प्युठान कारागारमा रहेका कैदिबन्दीहरुको स्वास्थ्य परिक्षण गरिएको छ । शनिबार जिल्ला कारागार प्युठानमा रहेका ९३ जना कैदिबन्दीहरुको निसुल्क स्वास्थ्य परिक्षण गरिएको हो । प्युठान अस्पतालबाट बिशेसज्ञ डाक्टर सहितको टोली कारागारमै पुगेर कैदिहरुको स्वास्थ्य परिक्षण गरेको प्युठान अस्पतालले जनाएको छ ।
प्युठान अस्पतालबाट मेडिकल सुपरिटेन्डेन्ट डाक्टर प्रमिला खनाल, एनेस्थेसियोलोजिष्ट डा. सुमन श्रेष्ठ, हाडजोर्नी तथा नसारोग बिशेषज्ञ डा. राजेन्द्र पौडेल, फिजिसीयन डा. गोविन्द रावत, डा. आमिर काफ्ले, डा.पौडेस शर्मा, डा. अकेश श्रेष्ठ लगायतको टिमद्धारा कैदिहरुको स्वास्थ्य परिक्षण गरिएको थियो ।
उनिहरुको स्वास्थ्य परिक्षण गर्दा प्राय सुगर, प्रेसरका विरामी भेटिएको प्युठान अस्पतालका फिजिसीयन डा. गोविन्द रावतले वताए । प्युठान अस्पताल विकास समितीको आयोजनामा गरिएको एक दिने निशुल्क स्वास्थ्य परिक्षण कार्यक्रममा ल्याव, इसीजी र भिडियो एक्सरे सेवा उपलब्ध गराएको उनले बताए ।
जहा ८५ जना पुरुष र ८ जना महिला गरि ९३ जना कैदिहरुले आफ्नो स्वास्थ्य परिक्षण गराएका थिए । प्युठान अस्पताल विकास समितिको आयोजनामा समुदाय प्रहरी साझेदारी कार्यक्रम अन्तरगत सो कार्यक्रम सम्पन्न भएको थियो । कारागार कार्यालय प्युठान, जिल्ला प्रहरी कार्यालय प्युठान, जिल्ला प्रशासन कार्यालय प्युठान, प्राथमिक स्वास्थ्य उपचार केन्द्र खलंगाले सहजिकरण गरेको थियो ।
कारागार भित्रै थुनुवाहरुले विशेषज्ञ सेवा मार्फत स्वास्थ्य परिक्षण गराउन पाउदा कैदिबन्दीहरु उत्साहित थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
