लुम्बिनी प्रदेश उद्योग तथा यातायात मन्त्री सरोज थापाले प्यूठानमा यातायात कार्यालय खुलाउने प्रतिवद्धता व्यक्त गरेका छन् ।
सोमबार स्वर्गद्धारी गौमुखी यातायात सेवा प्रा.लिको नेपाल भारत मैत्री बस सेवा सञ्चालनको समुद्घाटन समारोहलाई सम्बोधन गर्दै मन्त्री थापाले यस्तो प्रतिवद्धता व्यक्त गरेका हुन् ।

जिल्लामा यातायात कार्यालय नभएको गुनासो आईरहेको भन्दै उनले जिल्लाबाटै यातायात कार्यालयको सेवा दिन र जिल्लाबाहिर जानुपर्ने समस्यालाई समाधान गर्नका लागि तत्काल यातायात कार्यालय खुलाउने आश्वासन दिएका छन् ।

आफु विकासे मन्त्रालय अन्तर्गत नपरे पनि प्यूठान जिल्लाको विकासको लागि आफुले सक्ने काम गर्न सधै डटेर लाग्ने मन्त्री थापाको भनाई छ । साथै यात्रुहरुलाई अनावश्यक दःख दिने खालको कुनै पनि कार्य नगर्न र नगराउन मन्त्री थापाले यातायात व्यवसायीलाई आग्रह गरेका छन् । सरकारले तोकेको भाडादर र रुटमा निश्चित भाडादर मात्र लिन पनि यातायात व्यवसायीलाई उनले अनुरोध गरे ।