झुलेनी नेटवर्क२०८० पुस २५
२०८० पुस २५‘कारागारमा पुस्तक अभियान’ अन्तर्गत प्यूठान जिल्ला कारागारमा पुस्तक हस्तान्तरण गरिएको छ ।
लुम्बिनी प्रदेशसभा सदस्य निमा गिरीले प्यूठान कारागारमा रहेका कैदीबन्दीलाई पुस्तक पढ्ने वातावरण बनाउन थालिएको अभियानको मङ्गलबार लुम्बिनी प्रदेशका उद्योग तथा यातायात मन्त्री सरोज थापाद्धारा उद्घाटन भएको छ । अभियान उद्घाटन गर्दै प्रमुख अतिथी थापाले जिल्ला कारागारमा पाठ्यपुस्तकको सुविधा मात्र नभई पढ्ने वातावरण समेत मिलाउनुपर्ने बताए ।
अभियानका अभियान्ता गिरीले लुम्बिनी प्रदेशका सवै जिल्लामा यो अभियान विस्तार गरिने बताईन् । कैदीवन्दीलाई खुला कारागारको रुपमा अघि बढाउनका लागि पुस्तकालय अभियानले सहयोग पुग्ने बताउँदै लुम्बिनी प्रदेशका १२ वटै जिल्लामा यो अभियान सञ्चालन गर्ने पनि बताईन् ।
