प्यूठानमा रहको बर्द बहादुर गणले ३०२ औं पृथ्वी जन्मजयन्ती तथा राष्ट्रिय एकता दिवस मनाएको छ । दिवसको सन्दर्भमा राष्ट्रिय अपांग सेवा संघ प्यूठान मार्फत सञ्चालीत अपांगता भएका विद्यार्थीहरुलाई खाद्यान्न तथा कम्बल प्रदान गरेको छ ।

शुक्रबार एक कार्यक्रमको आयोजना गरेर खाद्यान्न तथा कपडा वितरण गरेको हो । जाडोको समयमा विद्यार्थीहरुलाई सहजहोस भनेर ५० हजार रुपैयाँ बराबरको कपडा तथा खाद्यान्न प्रदान गरिएको बर्द बहादुर गण खलंगा व्यारेकका गणपति रमेश थापाले बताए । जनहित कार्यक्रम अन्तर्गत कार्यक्रम गरिएको थापाले जानकारी दिए । साथै पृथ्वीनारायण शाहको तस्बिरमा माल्यार्पण गरिएको छ ।

कार्यक्रममा जिल्ला समन्वय समिति प्यूठानका प्रमुख धरम बहादुर जीसी, मल्लरानी गाउँपालिकाका प्रमुख कृष्ण बहादुर खड्का, प्रमुख जिल्ला अधिकारी नारायण अर्याल लगायतले ३०२ औं पृथ्वी जन्मजयन्ती तथा राष्ट्रिय एकता दिवसको शुभकामना मन्तव्य राखेका थिए ।