प्युठानको बाग्दुला स्थित उपल्लो चोकमा रहेको अरुण अर्डर एण्ड सप्लायर्सले यस बर्ष दशै तिहारको बेला नयाँ नयाँ योजना सहित ल्याएको बम्पर उपहार योजनाका बिजेताहरुको नाम सार्वजनिक गरेको छ ।
अरुण अर्डर एण्ड सप्लायर्सले हरेक बर्ष दशै तिहारको बेला नयाँ नयाँ योजना सहित बम्पर उपहार योजना ल्याउने गर्दछ । यसवर्षको बम्पर पहिलो उपहार प्युठान नगरपालिका– ८ का बलाराम पौडेलले हात पारेका छन् । उनले ५५ इन्चको फोर के एल. इ. डी. टि.भी प्राप्त गरेका छन ।

दशैं तिहार उपहार योजनामा उनले एउटा वासिङ मेसिन खरिद गरेका थिए । शुक्रबार पत्रकारहरुको रोहवरमा खोलिएको उपहार योजनामा बिजेता पौडेलको ६४१ नम्वरको कुपन थियो उक्त कुपनमा उनले ५५ इन्चको फोर के. एल. इ. डी. ट.भी प्राप्त गरि पहिलो पुरस्कार जितेको अरुण अर्डर एण्ड सप्लायर्सका प्रोपाइटर अरुण कुमार श्रेष्ठले बताए ।

त्यस्तै उपहार योजना अन्तर्गतको दोस्रो बम्पर उपहार गौमुखी गाउँपालिका –६ लिबाङका पुनम सुनारले २२० लिटरको रेफ्रीजेरेटर फ्रिज प्राप्त गरेकी छिन । उनले कपडामा लगाउने एक थान आइरन खरिद गरेकी थिइन । सुनारको ११२ नम्वरको कुपन थियो उक्त कुपनमा उनले फ्रिज जितेकी हुन् ।

त्यस्तै तेस्रो बम्पर उपहार नौवहिनी गाउँपालिका– ७ फोप्लीका गणेश जि ।एम ले खाना बनाउने माइक्रोवायर जितेका छन् । उपहार योजनामा उनले अरुण अर्डर एण्ड सप्लायर्स बाग्दुलाबाट एक थान माइक्रोफोन खरिद गरेका थिए । उनको ७०८ नम्बरको कुपन थियो उक्त कुपनमा जि एम।लाई खानापकाउने मेसिन परेको श्रेष्ठले बताए ।
उपहार जितेका तिनैजना बिजेतालाई केहि दिनमै सामान हस्तान्तरण गरिने प्रोपाइटर श्रेष्ठको भनाइ छ।