नेपाल बाल साहित्य समाजका महासचिव बिजयराज आचार्यले नयाँ ७ जनालाई साहित्य परिषद प्यूठानको आजिवन सदस्य बनाएका छन । बुधबार साहित्य परिषद प्यूठानको २९औं स्थापना दिवस, सष्ट्रा सम्मान एवम् वार्षिक साहित्य परिषद कार्यक्रममा पुरस्कृत भएपश्चात महासचिव आचार्यले आफुले प्राप्त गरेको पुरस्कारबाट नयाँ साहित्यकारहरुलाई आजिवन सदस्य बनाएका हुन् ।

जिल्लालाई सुन्दर बनाउन र बिकास गर्नको लागि साहित्य मार्फत चेतना दिन चाहेकोले नवपुस्तालाई अगाडि बढाउन हौसला र जिम्मेवारी दिएको उनले बताए । समाजलाई समृद्ध बनाउनको लागि अग्रिम भुमिका साहित्यको हुने भन्दै ७ जनालाई सहित्य परिषदमा जोड्नको लागि यसो गरेको आचार्यले बताए । दुरदराजमा रहेका साहित्यकारहरुलाई अग्रसर बनाउन तथा त्यस ठाउँसम्म उनीहरुको पहुँच पुर्‍याउन यस खालको कार्यलाई प्राथमिकतामा रोखेको उनको भनाई छ ।