२०८० फागुन २७नौबहिनी गाउँपालिकामा न्यायिक समितिका मेलमिलापकर्ताको लागि चाहिने सामाग्री वितरण गरिएको छ । आइतबार नौबहिनी गाउँपालिका न्यायिक समितिको आयोजनामा भएको एक कार्यक्रमकावीच मेलमिलाप कर्ताहरुलाई सामाग्री वितरण गरेको नौबहिनी गाउँपालिकाले जनाएको छ ।
जनतालाई प्रत्यक्ष रुपमा न्यायको अनुभुति गराउनको लागि र न्याय सम्बन्धीका काम कारवाहीलाई प्रभावकारी बनाउनको लागि झोला, डायरी, ऐन नियमका नियमहरुको नोट, संविधानका किताब, न्याय सम्बन्धी बनाईएका विभिन्न कार्यविधिको नोट लगायतका सामाग्री दिईएको गाउँपालिकाका प्रमुख प्रशासकीय अधिकृत शिवराज पौडेलले जानकारी दिए । उनका अनुसार न्यायिक सम्बन्धी मेलमिलाप कर्ताहरुका लागि यस अघि पुष १० गते ४८ घण्टे आधारभुत तालिम दिईएको थियो ।
स–साना कलह तथा लडाई झगडाका विषयहरु वडा तथा पालिकामा नै मेलमिलापको माध्यमबाट समाधान गर्ने उद्देश्यका साथ न्यायीक समिति बनाईएको गाउँपालिकाले जनाएको छ । पालिकामा फछ्र्यौट हुन नसक्ने विषयहरु जिल्लामा पठाउने पालिकाले जनाएको छ ।
