राष्ट्रियसभा अध्यक्षमा नेकपा माओवादी केन्द्रका नारायणप्रसाद दाहाल निर्वाचित भएका छन् । मंगरबार भएको निर्वाचनमा ३९ मत सहित सत्ता गठबन्धनका तर्फबाट साझा उम्मेदवार बनेका दाहाल अध्यक्ष पदमा निर्वाचित भएका हुन् । सहभागी ५६ सदस्य मध्ये दाहालको पक्षमा ३९ मत र विपक्षमा १७ मत परेको थियो ।

राष्ट्रियसभाको नयाँ अध्यक्षमा निर्वाचित भएका दाहाल माओवादी अध्यक्ष तथा प्रधानमन्त्री पुष्पकमल दाहाल प्रचण्डका भाइ हुन् । दुई वर्षअघि राष्ट्रपतिबाट मनोनीत भएका उनको कार्यकाल चार वर्ष बाँकी रहेकाले अब उनले आगामी चार वर्ष राष्ट्रियसभाको नेतृत्व गर्ने भएका छन् । नयाँ सत्ता गठबन्धनमा भएको सहमति अनुसार राष्ट्रियसभाको उपाध्यक्ष एमालेले पाउने भएको छ ।