नेपाल पत्रकार महासंघको ६९औं स्थापना दिवस प्यूठानमा पनि मनाईएको छ । नेपाल पत्रकार महासंघ जिल्ला शाखा प्यूठानले जुम्रीबाट प्रभातफेरी गरेर दिवस मनाएको छ ।

स्थापना दिवसको अवसरमा नेपाल पत्रकार महासंघका केन्द्रिय सदस्य सुशिल पोख्रेलले पत्रकारका मुद्धा लिएर अघि नबढेसम्म श्रमजीबि पत्रकारहरुको समस्या समाधान गर्न नसकिने बताए । त्यसका लागि सम्वद्ध पत्रकारहरु नै जागरुक हुनुपर्ने उनको भनाई छ ।

त्यस्तै नेपाल पत्रकार महासंघ जिल्ला शाखा प्यूठानका संस्थापक उपाध्यक्ष मेगराज भट्टले पत्रकार महासंघलाई स्वच्छ, निर्भिक, निडर, निश्पक्ष र पारदर्शी बनाउनुपर्नेमा जोड दिए । संस्थालाई जीवन्त राख्न संस्थागत विकासको जरुरी रहेको बताउँदै सबै पत्रकार उत्तिकै जिम्मेवार भएर लाग्न आग्रह गरे । यद्यपी पत्रकारका हाँगाहरु राजनीतिको भातृसंगठन भएपनि पत्रकारको लागि खेल्नुपर्ने भूमिकामा अटल भएर अघि बढ्न पनि उनले अनुरोध गरेका छन् ।