News Portal

रेडियो सुन्नुहोस्

६७ औं राष्ट्रिय सहकारी दिवस प्यूठानमा पनि मनाईयो

बिबश जि.एम२०८० चैत २०
१३५ पटक
२०८० चैत २०

६७ औं राष्ट्रिय सहकारी दिवस प्यूठानमा पनि मनाईएको छ । मंगलबार विहान जिल्ला सहकारी संघ लिमिटेडको आयोजनामा जिल्लामा भएका सबै सहकारीहरु एकै ठाउँमा सहभागि भई जुम्रीबाट बिजुवारसम्म प्रभातफेरी गरेर दिवस मनाएको हो ।

कार्यक्रममा जिल्ला सहकारी संघ लिमिटेड प्यूठानका अध्यक्ष सुशिल पोख्रेलले अब सहकारीहरु मर्ज गरेर प्रविधियुक्त बनाउने बताएका छन् । प्रविधिको युग आएको भन्दै सहकारीमा आबद्ध सबै सहकारीकर्मीलाई एकताबद्ध गर्नको लागि प्रविधियुक्त बनाउन आवश्यक रहेको बताए । साथै उनले सहकारीले आफ्नो नीति नियम र मुल्यमान्यतामा टेकेर अगाडी बढेको समेत दाबी गरे ।

बिजय फूलबारी बचत तथा ऋण सहकारी संस्थाका व्यवस्थापक प्रकाश बैद्यले आजको यो दिनसम्म आईपुग्दा विभिन्न आरोह अवरोह पार गर्दै सहकारीले उल्लेखनीय काम गर्दै आएको बताएका छन् । यो दिवस केबल दिवसमा मात्र कार्यक्रम गरी मनाउने संस्था नभएर देशमा भईरहेको विकृति विसंगतीहरुलाई चिर्दै सहकारीलाई सबल र सक्षम बनाउनुपर्नेमा जोड दिए । पुँजिपति वर्गका मानिसहरुले सहकारी खत्तम, रकम ठग्ने र पैसा लुट्ने मात्र संस्था भनर लगाएको आरोप आफुहरुलाई सह्य नहुने पनि बताए ।

कार्यक्रममा जिल्ला सहकारी संघका सल्लाहकार लोक बहादुर बस्नेतले सहकारी बिशुद्ध पवित्र मनले समुदायमा रहेका विपन्न, गरीब, दलित, जनजाती, महिलाको सशक्तिकरणको अभियानमा जुटेको दाबी गरे । उनले कुनै पनि राजनीतिक दल, अन्य जुनसुकै शक्तिको नाममा सहकारी संस्थामाथि संगठित अपराध गर्ने प्रविति बढेको भन्दै यसमा चनाखो हुन सबै सहकारीलाई आग्रह गरे ।

बचत तथा ऋण सहकारी संघ प्यूठानका अध्यक्ष भोज बहादुर बस्नेतले सहकारीलाई व्यवस्थित र प्रविधिमैत्री बनाएर एकिकरण गर्नको लागि जिल्ला बचत संघले नेप्सकुन साझेदारी कार्यक्रम सञ्चालन गर्न लागेको जानकारी दिए । उनका अनुसार आधारशिला कार्यक्रमले सबै प्रकृतिका सहकारीको विकास, नीति निर्माणमा सहयोग पुग्ने छ । जोखिममा आधारित कार्यक्रम पनि सञ्चालन गर्ने तयारीमा रहेको उनले बताए ।

जिल्ला सहकारी संघको राष्ट्रिय प्रतिनीधि एवंम सिद्धार्थ सामुदायिक बचत तथा ऋण सहकारी संस्थाका अध्यक्ष मुक्ति पोख्रेलले सहकारीभित्र सहकारीकर्मीको लागि संकट नभई अरु कसैको लागि संकट उत्पन्न भएको बताए । पछिल्लो समय सहकारीको नाममा सहकारीलाई ठगी गर्ने, सहकारीको पैसा खाएर विभिन्न बहाना बाजी गरेर दादा गिरी गर्दै नाराजुलुस लगाएर हिड्ने व्यक्तिहरुको लागि सहकारी चुप लागेर बस्न नहुने बताए ।

प्रतिकृया दिनुहोस्

गौमुखीमा भएको मानसिक स्वास्थ्य शिविरबाट ९५ जनाले सेवा लिए

निःशुल्क विशेषज्ञ मानसिक रोग सम्बन्धि स्वास्थ्य शिविर गौमुखी गाउँपालिकामा सम्पन्न भएको छ । गौमुखी गाउँपालिकाको...

गणतन्त्र आएपनि जनताको समस्या जस्ताको त्यस्तै

१७ औं गणतन्त्र दिवस प्यूठानमा विभिन्न कार्यक्रम गरी मनाईएको छ । दिवसको अवसरमा प्यूठानको खलंगामा...

पौडेल बंश महासंघ लुम्बिनी प्रदेशको पहिलो बैठक स्वर्गद्धारीमा सम्पन्न

प्यूठान, पौडेल बंश महासंघ लुम्विनी प्रदेश कमिटीको पहिलो बैठक प्यूठानको प्रमुख धार्मिक तथा पर्यटकिय स्थल...

कालिबहादुर के.सि. को स्मृतिमा श्रद्धाञ्जली कार्यक्रम सम्पन्न

सामाजिक अगुवा तथा बौद्धिक ब्यक्तित्व काली बहादुर के.सी.को स्मृतिमा श्रद्धाञ्जली कार्यक्रम सम्पन्न भएको छ ।...

माण्डवी ३ मा निशुल्क कम्प्यूटर तालिम सञ्चालन

माण्डवी गाउँपालिका ३ मा ३ महिने निशुल्क कम्प्यूटर तालिम सञ्चालन भएको छ । वडामा गठन...