नौबहिनी गाउँपालिका १ स्याउलीवाङमा बिहीवार देखि महोत्सव सुरु भएको छ । महोत्सवको उद्घाटन प्यूठानका प्रतिनिधि सभा सदस्य सूर्य थापाले गरेका हुन् । कार्यक्रमका प्रमुख अतिथि समेत रहेका प्रतिनिधि सभा सदस्य सांसद थापाले स्याउलीवाङ क्षेत्रलाई पर्यटनसँग जोड्न आफुबाट हुने पहल कदमी थालेको बताए । साथै स्याउलीवाङ क्षेत्रको बिकासका लागि निरन्तर छलफल र संवाद गरिरहेको विश्वास दिलाए ।

कोठिभिर बिकास केन्द्रको आयोजनामा सञ्चालन भएको तेस्रो नौबहिनी कोठिभिर कृषि, पर्यटन महोत्सव ४ दिनसम्म चल्ने आयोजकले जनाएको छ ।

महोत्सवमा खुल्ला पुरुष भलिबल प्रतियोगिता, खुल्ला महिला भलिबल प्रतियोगिता, लोकदोहोरी, धनुषवाण, सामुहिक नृत्य, एकल नृत्य, महिला पुरुष छेलो, खुल्ला हाजिरीजवाफ प्रतियोगिता आयोजना गरिएको अध्यक्ष पूर्ण बुढा मगरले जानकारी दिए ।