नेपाली राज्यसत्ताको वर्गिय जातीय चरित्र र मुक्तिको बैचारीकधार विषयक एकदिने कार्यशाला गोष्ठि आज जुम्रीमा सम्पन्न भएको छ । इ.एल.सी ए संस्थाको सहयोगमा शुक्रवार होटल आयुष्मा जुम्रीमा नगरपालिका स्तरिय गोष्ठी सम्पन्न भएको हो ।

दलित कल्याण संघ प्युठानको आयोजनामा गरिएको कार्यक्रममा संघका केन्द्रिय अध्यक्ष अधिवत्ता तथा दलित आन्दोलनको राजनैतिक र सामाजिक विश्लेषक मोतिलाल नेपाली ले कार्यपत्र प्रस्तुत गर्दै नेपाली राज्य सत्ताको वर्तमान अवस्था र दलित उत्पीडनका स्वरुपका विषयमा जानकारी गराएका थिए । उनले राज्य उच्चवर्ग र उच्च शासक जातिको हातमा सासन सत्ता कायम रहेको भन्दै वर्गिय स्वरुपमा सासन सत्ता चलिरहेको वताए । देशको निरंकुशता विरुद्धको आन्दोलनमा दलितहरुको त्याग तपस्या र वलिदानले कृतीमान कायम गरेको वताउदै हाल राज्यको निति निमार्ण गर्ने तहमा दलितको उचित प्रतिनिधित्व नरहेको भन्दै सबै एकजुट भएर लाग्ने उनले वताए ।

त्यस्तै कार्यक्रमका प्रमुख अतिथी प्युठान नगरपालिकाका मेयर विष्णु वहादुर योगीले प्युठान नगरपालिकालाइ छुवाछुत मुक्त र दलितको सामाजिक र आर्थिक उत्थानका लागी विषेस कार्यक्रम संचालन गर्ने वताए ।

दलित कल्याण संघ प्युठानका अध्यक्ष सुशिला नेपालीको अध्यक्षतामा संचालन गरिएको कार्यक्रममा दलित अधिकार कर्मी , नागरिक समाज, जनप्रतिनीधी, लगायतको उपथिती रहेको थियो । दलित अधिकारकर्मी सान्तराज नेपालीले सञ्चालन गर्नुभएको कार्यक्रममा स्वागत मन्तव्य संस्थाकी सचिव कौशिला नेपालीले राखेकी थिइन ।