नेकपा एमाले प्यूठानको अध्यक्षमा पुरानै अनुहार दोहोरिएको छ । २१ गते सोमबार हुने अधिवेशनमा सर्वसम्मत हुन नसकेपछि चुनावी प्रक्रिया मंगलबार सरेको थियो । भोटको आधारमा अध्यक्ष पदमा पुरानै अध्यक्ष बिजय बिराज विष्ट दोहोरिएका हुन् । खसेको ५ सय २३ मत मध्य विष्टको पक्षमा २ सय ९९, मधुर शर्मा १ सय ८५ र अजय सिंह लाई २४ मत परेको थियो ।

त्यस्तै उपाध्यक्ष पदमा नेगन सिंह कवर र माधव शर्मा पौडेलको प्रतिस्पर्धा भएको थियो । कवरले २ सय ५१ मत प्राप्त गर्दा पौडेललाई २ सय ५७ मत परेको हो । उपाध्यक्ष पदमा ६ मतको अन्तरले पौडेल निर्वाचित भएका छन् । अन्यमा भने निर्विरोध निर्वाचित भएको नेकपा एमाले प्यूठानले जनाएको छ ।