मधुसुदन पोख्रेल२०८१ जेष्ठ २५
२०८१ जेष्ठ २५प्युठानमा ट्याक्टरबाट खसेर सहचालकको मृत्यु भएको छ । माण्डवी गाउँपालिका वडा नम्वर ५ तिघ्रामा ट्याक्टरबाट खसेर सहचालकको मृत्यु भएको हो । शुक्रबार बिहान ९ बजे झिमरुक नदीबाट बालुवा लोड गरेर फर्किदै गरेको लु ४ त ९२९४ नम्वरको ट्याक्टरबाट खसेर सह–चालक २० वर्षीय सन्तोष नेपालीको मृत्यु भएको प्रहरीले जनाएको छ ।
ऐरावती गाउँपालिका वडा नम्वर ४ छाप बस्ने नेपालीको ज्यान गएको जिल्ला प्रहरी कार्यालय प्यूठानका सूचना अधिकारी हुमानन्द खनालले जानकारी दिनुभयो । गाडी चालकलाई प्रहरीले नियन्त्रणमा लिएको छ ।
