नेकपा एमाले प्यूठान नगरकमिटीले प्यूठान नगरपालिकालाई ध्यानाकर्षण पत्र बुझाएको छ । नगरकमिटी अध्यक्ष गिरुप्रसाद भण्डारी सहितको टोलीले नगरपालिकालाई यस अघि बुझाएको ध्यानाकर्षण पत्रमा कुनै पनि सुनुवाई नभएको भन्दै आइतबार पुनः १६ बुँदे ध्यानाकर्षण पत्र बुझाएको जनाएको छ ।

यस्तो छ ध्यानकार्षण पत्र

ध्यानकर्षण पत्र बुझ्दै नगरप्रमुख बिष्णु बहादुर योगिले यस ध्यानाकर्षण पत्रले सबैलाई जिम्मेवारी बोध गराउने भन्दै नगरपालिका कसैको आग्रहपूर्वाग्रहमा नरहेको बताए । नगरपालिकाको विकासको निम्ति नीति, कार्यविधि, छनोट गर्ने योजना सबै नगरपालिकाको हितका लागि अगाडी जान सकेमात्र त्यसले नगरपालिकाको प्रत्याभुति दिन सक्नेमा आफुहरु सजक रहेको तर्क गरे । नगरपालिकामा हुने सीमित श्रोत साधनले नगरबासीहरुलाई दिने सेवा सुविधाले अधिकतम रुपमा प्रतिफल दिन सक्नुपर्छ भन्ने नगरपालिकाको धारणा रहेको बताउदै उनले एमाले नगर कमिटिले बुझाएका ध्यानकार्षण पत्रमा उल्लेखित कुराहरुलाइ समाबेस गर्ने प्रयास गरिने बताए ।