गौमुखी गाउँपालिकामा कानुनी सचेतना सम्बन्धि कार्यक्रम सुरु भएको छ । कार्यक्रममा विद्यार्थीहरुलाई न्यायिक समिति र केही कानुनी व्यवस्थाको बारेमा जानकारी गराईएको छ । मंगलबार गौमुखी गाउँपालिका वडा नं ७ नारीकोटका विद्यालयमा अध्ययन गर्ने कक्षा ७ देखी १२ सम्मका विद्यार्थीलाई कानुन सम्बन्धि केही कुरामा जानकारी गराईएको गौमुखी गाउँपालिकाका कानुन अधिकृत अनिल रायमाझीले जानकारी दिए ।

कार्यक्रममा बालविवाह, बहुविवाह, गर्भपतन, जवरजस्ती करणी, यौन दुव्र्यवहार, कसैलाई गाली, बेइज्जती, धर्म परिवर्तन गराउन, जातजातिको आधारमा छुवाछुत वा अन्य भेदभावपूर्ण व्यवहार, घरेलु हिंसा गर्न नहुने लगायतका कुरा जानकारी गराईएको थियो । त्यस्तै न्यायिक समिति सम्बन्धि कानुनी व्यवस्था, न्यायिक समितिको अवस्था, काम कर्तव्य र अधिकारका बारेमा पनि जानकारी दिईएको हो ।

न्यायिक समिति गौमुखी गाउँपाकिकाको आयोजनामा भएको कार्यक्रमको प्रशिक्षकमा न्यायिक समिति सदस्य जुमान सिंह जि.सी र कानुन अधिकृत अनिल रायमाझी रहेका थिए । आज मंगलबारबाट सुरु भएको कार्यक्रम गाउँपालिका भित्र रहेका ७ वटै वडाका विद्यालयमा गरिने गाउँपालिकाले जनाएको छ ।