सरुमारानी गाउँपालिकाको हंसपुर स्वास्थ्य चौकीमा कार्यरत ल्याब असिस्टेन साधना के.सीले आफनो जन्मदिन क्षयरोग विरामीसँग मनाएकी छिन् । आफु २३ बर्ष पुरा भई २४ बर्षमा प्रबेश गरेको अवसरमा स्वास्थ्य संस्थाबाट ४ जना नियमित क्षयरोग (टिबी) को औषधी सेवन गरिरहेका विरामीहरुलाई अण्डा वितरण गरेकी हुन् ।

विरामीहरुको स्वास्थ्य अवस्था बुझ्दै नियमित औषधी सेवन गर्न आग्रह गर्दै उनले पौष्टिक आहारका खानेकुरामा समेत ध्यान दिन अनुरोध गरेकी छिन् । उनले विगतको बर्षमा पनि आफ्नो जन्मदिनको अवसरमा पुण्यखोलाका एक विरामीलाई समेत सहयोग गरेकी थिईन् ।

के.सीले अन्य फजुल खर्च भन्दा दुखि पीडितहरुलाई सहयोग गर्दा खुसी प्राप्त हुने बताईन् । प्यूठान नगरपालिका २ की साधना के.सी सरुमारानी गाउँपालिका ३ मा रहेको हसंपुर स्वास्थ्य चौकीमा ल्याब असिस्टेनको रुपमा विगत ५ बर्षदेखि कार्यरत छिन् ।