झुलेनी नेटवर्क२०८१ भदौ १०
२०८१ भदौ १०स्वर्गद्वारी बहुमुखी क्याम्पस परिसरमा बुधवार वृक्षारोपण हुँदै छ । वृक्षारोपणको पूर्व तयारी स्वरूप सोमवार क्याम्पस वरपरको झाडी फडानी तथा सफाइ गरिएको छ ।
क्याम्पस परिसरको सौन्दर्यता र सरसफाइका लागि बृहत् वृक्षारोपण कार्यक्रम आयोजना गरिएको सञ्चालक समितिको अध्यक्ष कृष्णध्वज खड्काले बताए । क्याम्पसको कम्पाउन्ड भित्र वृक्षारोपणका लागि तयारी भइरहेको छ ।
सोमबार क्याम्पस सञ्चालक समितिको अनुरोधमा नेपाली सेना वर्द्ध बहादुर गणको टोली, क्याम्पसको टोली र स्थानीयको सहभागितामा वृक्षारोपण हुने क्षेत्रको सफाइ गरिएको छ । सञ्चालक समितिको अनुरोध बमोजिम नेपाली सेनाको टोली समेत उक्त कार्यमा सहभागी भएको वर्द्ध बहादुर गणका गणपति महेश बाबु कार्कीले बताए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
