प्युठानका ट्रिपर व्यवसायीले आन्दोलन गरेका छन् । दम्तीदेखि बेलुवा सम्मको कालोपत्रे सडकमा ट्रिपर हिडेको भनी प्रहरीले ट्रिपर सहित ९ जना चालकलाई नियन्त्रणमा लिएपछि व्यवसायी आन्दोलनमा उत्रेका हुन् । व्यवसायिहरुले शुभ श्री अग्नी सिमन्टले नौवहिनि गाउँपालिका‐८ लुफ्लुङबाट निकालेको चुनढुगां बोक्दै आएका थिए ।
प्युठान नगरपालिका‐४ झिमरुक पुल नजिकै ट्रिपर रोकेर आन्दोलन गरेका छन् । राजमार्गमा ट्रकले ३० टन बोकेर हिड्दा बजारबासी केहि भन्दैनन् ट्रिपर चालक सतिस केसीले भने हामिले १२ टन बोक्दा प्रहरीमा उजुर बुझाए । दिउसोको समय बैकल्पीक बाटो हिडेको र रातीको समय राजमार्गको बाटो हिडेको उनले बताए । उनले भने,‐‘रातीमा एक्लै हिड्नुपर्छ, डर लाग्छ, त्यसैले हामी बजारको बाटो हिड्छौ । ’ सड्क साघुरो र अफ्ठेरो भएकाले राजमार्गको सड्कबाट हिडेको उनी बताउछन् । उनी भन्छन,‐‘ बाटो सुधार्ने सम्झौता भएपनि काम गरेका छैनन् । ’ चुनढुंगा बोकेका र खाली गरि ४५ वटा ट्रिपर रोकेर व्यवसायी आन्दोलनमा उत्रीएका हुन् । राजमार्गबाट हिड्दा बैकल्पिक सड्क भन्दा १५ मिनेट छिटो पुगिन्छ ।
चालकलाई प्रहरीले नछाड्दा सम्म आन्दोलन रोकिदैन् ः व्यवसायी
ट्रिपर व्यवसायीले प्रहरीले नियन्त्रणमा ल्याएका ९ जना चालकलाई नछाड्दा सम्म ट्रिपर रोकी आन्दोलनमा उत्रिरहने व्यवसायीहरुले बताएका छन् । चालक र ट्रिपर जिल्ला प्रहरी कार्यालयको नियन्त्रणमा रहेको जिल्ला प्रहरी कार्यालय प्युठानका प्रमुख प्रहरी नायव उपरिक्षक निर्मल बुढाथोकीले बताए । रातको समयमा राजमार्गबाट हिड्ेकोले नियन्त्रणमा ल्याएको प्रहरी प्रमुखले बताए । धेरै पटक बैकल्पिक सड्कमा हिड्न आग्रह गरेपनि लापरवाही सहित राजमार्गबाट हिडेकाले नियन्त्रण ल्याएका हौ । उनले भने,‐‘ छलफल चलिरहेको छ, कागज बनाएर छाड्छौँ । ’ अब दोहोरीएका मुद्धा चलाउने समेत उनले बताए । उता शुभ श्री अग्नी सिमेन्टका प्रमुख शिव अर्यालले ट्रिपर चालकलाई बैकल्पीक सड्क हिड्न लगाएपनि अटेरी गरेको बताए । उनल भने,‐‘आफ्नै लगानीमा वैकल्पीक सड्क बनाईदिए पनि राजमार्ग हिड्न छाड्दैनन् चालक ।’