प्यूठानमा स्वतन्त्र नागरिक मञ्च गठन भएको छ । शनिबार पत्रकार सम्मलेन गर्दै “सुशासन र समृद्धिका लागि भ्रष्टाचार विरोधी अभियान” को नारासहित प्यूठानमा स्वतन्त्र नागरिक मञ्च घोषणा गरिएको संयोजक कर्ण ध्वज के.सी ले जानकारी गराएका छन् । भ्रष्टाचार, तस्करी, घुसखोरी जस्ता जगन्य सामाजिक अपराधहरुले लोकतन्त्र मात्र खतरा नभई मुलुकको सार्वभौमसत्ता पनि नरहने जस्तो परिस्थिति देखा परेको भन्दै यसको खबरदारी गर्नको लागि स्वतन्त्र नागरिक मञ्च गठन गरिएको संयोजक के.सीको दाबी छ ।

शनिबार बिजुवारमा भएको भेलाका प्रमुख अतिथी समाजसेवी डा. लेखराज सुबेदीले २५ सदस्यीय नागरिक मन्चको घोषणा गरेका हुन् । जसअन्तर्गत कर्ण ध्वज के.सी संयोजक, उपसंयोजकमा दल बहादुर केसि, पुष्कर आचार्य, रमेशकान्त पोख्रेल र सचिवमा डिमराज पोख्रेल छन् । कोषाध्यक्षमा बासु गिरी हुँदा उपसंयोजक समेत रहेका आचार्यलाई मन्चको प्रवक्ताको जिम्मेवारी समेत दिएको छ ।

सदस्यहरुमा श्रीराम पोख्रेल, ओम भक्त पण्डित, हिमलाल भण्डारी, दुर्गा भुसाल, राम बहादुर महरा, नारायण केसी, माधब शर्मा, लक्ष्मी प्रसाद शर्मा, शरद केसी, केशु गिरी, दामोदर गिरी, बासु गिरी, निमकान्त पोख्रेल, नेत्र बहादुर थापा, पुर्ण पुन मगर, झग बहादुर बुढा मगर, हिमाल जिसी, रुपेश सुनार र दिप बहादुर पाण्डे सदस्य छन् ।