‘हिंसा’ शब्दलाई लिएर माओवादी र एमालेबीचको आरोप-प्रत्यारोपका कारण प्रतिनिधीसभा बैठक स्थगित भएको र सत्ता गठबन्धनले उपसभामुख इन्दिरा रानालाई हटाउने तयारी गरेको विषयमा पक्ष–विपक्षको बहस चलिरहेकै बेला प्रमुख ३ दलका शीर्ष नेताबिच भेट भएको छ ।

प्रधानमन्त्री निवास बालुबाटारमा भएकाे भेटमा संवैधानिक परिषद्को बैठकसम्बन्धी परामर्श र समसामयिक राजनीतिक विषयमा नेताबीच छलफल भएको प्रधानमन्त्रीको सचिवालयले जनाएको छ ।

प्रतिनिधिसभा बैठक ३१ गतेसम्मका लागि स्थगित गरिएको छ । भने, सम्बैधानिक परिषद्को बैठक भोलिसम्मका लागि स्थगित गरिएको छ ।