प्युठान,६ पुस । माण्डवी गाउँपालिकाले सिसि टिभी जडान गरेको छ । अपराधिक घटनाहरु घटाउन गाउँपालिकाले सिसिटिभी जडान गरेको हो । प्रविधियुक्त सिसिटिभीको निगरानीबाट व्यक्तिहरुमा मनोवैज्ञानिक असर पु¥याई, अपराध न्यूनीकरण गर्न, अपराधी पत्ता लगाउन, ट्राफिक व्यवस्थापन सहज बनाउन, सडक नियम उलंघन कार्य निरुत्साहित गर्न, विपत व्यवस्थापनमा सहयोग पु¥याउने उदेश्यले सिसिटिभी जडान गरिएको गाउँ पालिका अध्यक्ष श्रीधर रोकाले बताए ।
गाउँपालिका परिसरमा विशिष्ट व्यक्तिहरुको आवागमन एंव सुरक्षा व्यवस्था मिलाउने लगायतका सुरक्षा र प्राकृतिक विपत सँग सम्बन्धित कार्य गर्न सहज हुने अध्यक्ष रोकाले बताए । उनले भने,‐‘ आम नागरिकहरुलाई सुरक्षाको प्रत्याभूति दिलाउने उद्देश्यले सिसिटिभी क्यामरा सञ्चालनमा ल्याएका हौँ । ’ अति व्यस्तस्थल, संवेदनशील क्षेत्र र प्रमुख सडक क्षेत्र चकचके, जस्पुर र देविस्थान क्षेत्रमा सिसिटिभी जडान गर्ने कार्यलाइ गाउँपालिकाले प्राथमिकतामा राखेको उनले बताए ।
चार स्थानमा सिसिटिभि जडान
माण्डवी गाउँपालिका भित्र पर्ने चार स्थानमा सिसिटिभी जडान गरिएको छ । गाउँपालिका स्थित मुख्य इलाका नयाँगाउँ, चकचके बजार र देवीस्थान बजार क्षेत्रमा क्लोज सर्किट टेलिभिजन जडान गरिएको गाउँपालिकाका अध्यक्ष श्रीधर रोकाले बताए । चार स्थानमा ८ वटा सिसिटिभी जडान गरिएको छ । जसमध्ये ५ वडा चकचके र जस्पुर क्षेत्रमा राखिएको छ भने ३ वटा देविस्थानमा राखिएको उनले बताए । सिसिटिभीको निगरानी सम्बन्धित स्थानका प्रहरी बिट र चौकीहरुले गरिरहेका छन् । सिसिटिभी क्यामरा जडानले अपराधिक क्रियाकलापमा संग्लन व्यक्तिहरुमा मानसिक प्रभाव पर्ने गरेको स्थानीयले बताउछन् ।
चार लाख लागतमा सिसिटिभी जडान
गाउँपालिकाले यस आर्थिक वर्षमा ८ वटा सिसिटिभि जडान गरेको गाउँपालिकाका सुचना अधिकारी ज्योतीप्रकाश पौडेलले बताए। रु ४ लाख लागतमा मुख्य बजार इलाकामा टिभी जडान गरिएको हो । आगामी आर्थिक वर्षमा गाउँपालिकाको अनेत्र स्थानमा टिभी जडान गर्ने योजना गाउँपालिकाले गरेको समेत उनले जानकारी दिए ।
अन्य ठाउँमा समेत सिसिटिभीको आवश्यक छ: स्थानिय
गाउँपालिका क्षेत्रका अन्य स्थानहरुमा पनि अत्याधुनिक सिसिटिभी क्यामेरा जडान गरेर निगरानी बढाउनु पर्ने स्थानीयको माग छ । आगामी दिनमा बढ्दो जनगुनासोलाई कम गर्न र सेवाग्राहीको सेवालाई पारदर्शी बनाउन यस गाउँपालिकाको हरेक सार्वजनिक स्थानमा सिसिटिभी क्यामरा जडान गर्ने माण्डवी गाउँपालिकाका अध्यक्ष रोकाले बताए । ग्रामीण क्षेत्रका जनताहरुसम्म सार्वजनिक सेवाको पहुँच बढाई सेवा प्रवाहलाई उपलब्धी मूलक बनाउन विद्युतीय सरकार वा डिजिटल हाजिरी समेत गाउँपालिकाले सञ्चालन गरेको रोकाले बताए । आधुनिक युग विज्ञान र प्रविधिको युग हो । उनले भने,‐‘ सूचना प्रविधिको सही सदुपयोग गर्न तर्फ सवैले ध्यान दिन पनि त्यतिकै जरुरी रहेको जानकारहरूको भनाइ छ ।
