जिल्ला प्रहरी कार्यालय प्यूठानले आज पत्रकार भेटघाट कार्यक्रम गरेको छ । प्यूठान जिल्लामा आएका प्रहरी नायव उपरीक्षक दिपेश बस्याल संग कार्यालयले पत्रकार भेटघाट कार्यक्रम गरेको हो ।

भेटघाटमा पत्रकारहरुले जिल्लाको शान्ती सुरक्षा र सुचना प्रवाहमा आपसी सहकार्य हुने अपेक्षा गरेका छन् । दशै नजिकिए संगै जिल्लाका बिभिन्न कोटहरुमा लाग्ने मेला लाइ सुरक्षाका हिसावले व्यवस्थित बनाउन पत्रकारले आग्रह गरेका थिए । पत्रकारहरुले चाड पर्वमा अत्यधिक मदिरा बिक्रीवितरण तथा मदिरा सेवन हुने हुँदा यसलाई पनि न्यूनिकरण गर्न ध्यानाकर्षण गरेका छन ।

प्रहरी प्रमुख बस्यालले जिल्लाका पत्रकारहरुसँगको भेटमा पत्रकार लगायत सबै निकायसँग सहकार्य गरेर अगाडी बढ्ने बताए । प्यूठान जिल्लाको ४९ औ कार्यालय प्रमुखको रुपमा आएका डिएस पी बस्यालले चाडपर्वलाइ लक्षित गरी जिल्लाका ३ स्थानमा यात्रु सहायता कक्ष स्थापना गरिएको बताए ।