लुम्बिनी प्रदेशका पुर्वमन्त्री एवं नेकपा माओवादी केन्द्रका प्रदेश अध्यक्ष सुदर्शन बरालले उपनिर्वाचनको परिणामले माओवादी केन्द्रलाई शिक्षा दिएको बताएका छन्।

माओवादीका ठुला ठुला नेताहरुलाई समेत पार्टीको नाम र चुनाव चिन्ह फेर्नुपर्छ भन्ने लागेका बेला निर्वाचनको परिणामले शिक्षा दिएको बरालले बताए। माओवादी केन्द्र प्यूठान नगरपालिका ३ को अधिवेशनलाई सम्बोधन गर्न बुधबार प्यूठान आएका बरालले यस्तो बताएका हुन्।

‘हाम्रा पार्टीका ठुला नेतालाई समेत हसिया हथौडा चिन्हबाट चुनाव जित्न सकिन्न कि, माओवादी नामबाट जनतामा जान सकिन्न कि भन्ने लागेको थियो’ बरालले भने- ‘उपनिर्वाचनको परिणामले हामिलाई शिक्षा दिएको छ।’

कार्यक्रममा सम्बोधन गर्दै बरालले माओवादी पार्टी मात्र नेपाललाई सर्वभौमसत्ता सम्पन्न स्वतन्त्र मुलुकको रुपमा अगाडि बढाउन सक्ने पार्टी रहेको जिकिर गरे।