२०८१ फागुन ४नेपालको सन्दर्भमा सङ्घीयताको औचित्य विषयक अन्तरक्रिया कार्यक्रम विजुवारमा सम्पन्न भएको छ । राष्ट्रिय जनमोर्चा प्यूठानको आयोजनामा भएको कार्यक्रममा सङ्घीयतापछिको उपलब्धि र अप्ठ्याराहरूबारे छलफल भएको थियो ।
कार्यक्रममा राष्ट्रिय जनमोर्चा लुम्बिनी प्रदेशका अध्यक्ष बोम बहादुर खत्रीले कार्यक्रमको विषयबारे अवधारणा पत्र प्रस्तुत गरेका थिए ।
अन्तरक्रियामा बोल्ने धेरै वक्ताहरूले सङ्घीयता खर्चिलो प्रणाली रहेको विचार राखेका छन् । कार्यक्रममा स्वर्गद्वारी क्याम्पसका पूर्व क्याम्पस प्रमुख मोहन गिरी, प्यूठान नगरपालिकाका पूर्व नगरप्रमुख अर्जुन कुमार कक्षपती, कपा एकीकृत समाजवादी प्यूठानका अध्यक्ष भोज विक्रम बुढामगर, प्यूठान क्याम्पसका क्याम्पस प्रमुख कल्पना खड्का, नेकपा मालेका सचिव तिलविक्रम केसी, नेकपा क्रान्तिकारीका सचिव टीकाराम पौडेल लगायतले आफ्नो विचार राखेका थिए ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
