२०८१ फागुन ११घरेलु तथा साना उद्योग कार्यालय प्यूठानले संचालन गरेको अम्रीसोको कुचो बनाउने तालिम समापन गरिएको छ ।
‘उद्यमशिल संकृती राष्ट्रको समृद्दि’ भन्ने नाराका साथ बेरोजगार युवाका लागी उद्यमशिल कार्यक्रम अन्तरगत संचालन गरिएको ७ दिने तालिम आइतवार प्युठान नगरपालिका २ झारीवाङमा समापन गरिएको हो ।
तालिमका १५ जना सहभागीहरुलाइ प्रमाण पत्र हसिया र कुचो प्रदान गर्दै वडाध्यक्ष मोहन सिंह विष्टले विदाइ गरेका थिए ।
कार्यक्रममा बोल्दै प्यूठान नगरपालिका २ का वडाध्यक्ष एवं प्रमुख अथिति समेत रहेका विष्टले अम्रीसोको कुचो प्रवद्र्धनको लागी वडावाट अमृसोको विरुवा उपलब्ध गराउने बताए ।
घरेलु तथा साना उद्योग कार्यालय प्यूठानका निमित्त प्रमुख मनि गुरुङको अध्यक्षतामा गरिएको कार्यक्रममा स्थानिय विभिन्न समाजसेवीको उपस्थित रहेको थियो ।
कार्यक्रममा बोल्दै नेपाल घरेलु तथा साना उद्योग महासंघ प्यूठानका अध्यक्ष नविन प्रकास श्रेष्ठले स्थानिय वस्तुहरुको उत्पादनलाइ बजारीकरणमा जोड दिने बताएका छन ।
तालिमका सहभागीहरुलाइ थप हौसला प्रदान गर्दै अमृसो खरिदका लागी स्थानिय मातृभुमी टोल विकास संस्थाका अध्यक्ष राम बहादुर केसीले १२ हजार रुपैया नगद हस्तान्तरण गरेका छन ।
त्यस्तै स्थानिय समाजसेवी हरी वि.एम ले बाजो जमिनलाइ उत्पादनको लागी प्रयोगमा ल्याउन सके वेरोजगारी समस्या कम हुन सक्ने बताए ।
कार्यक्रमको संचालन घरेलु तथा साना उद्योग कार्यालयकी उद्यम विकास सहजकर्ता संगिता नेपालीले गरेकी थिइन ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
