पछिल्लो समय सर्वाधिक रूचाइएका लोक तथा दोहोरी गायक एवम् मोडल प्रकाश सपुतको मुख्य भूमिकामा निमार्ण हुन लागेको चलचित्र परदेशी दुईको औपचारिक सुटिङको शुभ मुहुर्त भएको छ ।

यस भन्दा अगाडिको चलचित्र परदेशी १ लाइ अत्याधिक रुचाए संगै निर्देशक नारायण रायमाझी फेरि अर्को नयाँ चलचित्र प्रदेशी दुई निमार्णको तयारीमा लागेका हुन ।

चलचित्रमाा प्रकाश सपुत संगै नायिका वर्षा सिवाकोटी मुख्य भूमिका रहने निर्माता तथा निर्देशक रायमाझीले जानकारी दिए । शिवरात्रीकै दिनलाई मुख्य शुभ दिन पारि उक्त चलचित्रको मुर्हुत भएको हो ।

चलचित्रमा पटकथा बरिस्ठ सर्जक रमेश बिजिको रहेको छ ।
निर्देशक, निर्माता रायमाझी र बरिस्ठ संगीतकार बिबि अनुरागीको चलचित्रमा संगीत रहनेछ ।

निर्देश तथा निर्माता, बरिस्ठ गायक एवम् सर्जक नारायण रायमाझीले चलचित्र नितान्त नेपाली कथा बस्तुमा गहिरिएर आधारित रहने बताए, साथै चलचित्रमा नेपाली समाज र जनजीवनका यथार्थ, वास्तविकता र प्रत्येक्ष सरोकारका विषयलाई उठाउन गर्ने हुदा दर्शकले प्रदेशी १ झै रूचाइने अपेक्षा रहेको बताए ।

चलचित्रको मुर्हुत प्रश्चात नायक सपूतले आफ्नो फेसबुकमा प्रतिक्रिया दिदै लेखेका छन ‘र अब म संग नयाँ सपना छैन । किनकि अधुरो एउटा सपना पनि पुरा भएको छ – चलचित्रमा अभिनय गर्ने ।
हिरो बन्ने ! “सपना पुरा भएकोमा जति खुसी र उत्साहित छु त्यतिनै डर पनि लागिरहेको छ कि मेरो करियरको आगामी यात्रा कता र कस्तो हुन्छ भनेर ! तर सांगीतिक यात्रा होस या चलचित्रको यात्रा म मेरो काम ईमानदारीता, गम्भिरता र मेहनतका साथ गर्नेछु भन्ने आत्मविश्वास पनि छ । तपाईहरुको सल्लाह सुझाव र शुभेच्छा सधै रहने अपेक्षा सहित आदरणीय नारायण रायमाझी सरको निर्देशनमा बन्ने चलचित्र “ परदेशि २ “ मा मुख्य नायकको रुपमा आवद्द भएको औपचारिक जानकारी गराउछु । चलचित्रको आज शुभ- मुहूर्त गरिएको छ । आजकै मिति बाट करिब २ महिना चलचित्रको छायांकन हुने भएकोले यो विचमा पुर्व निर्धारित विदेशका केहि कार्यक्रम बाहेक देश विदेशका कुनै पनि सांगितिक कार्यक्रममा सहभागि हुन नसक्ने पनि जानकारी गराउछु । बैशाख पछाडि म पुन: संगीत कर्ममा नै फर्किने छु । छोटो तर निकै कष्ठकर यात्रा र संघर्ष पछि अन्तत सपना पुरा भएको छ । मनै देखि बधाई र शुभकामना दिनुस है 
#परदेशि-२ #First_movie #dream_come_true #Exited #students_Story #Dasai2077  ’

चलचित्र आउदो दशैंमा सार्बजनिक हुने समेत सपुतले फेशबुक पोष्टमा उल्लेख गरेका छन । चलचित्रका सबै परिवारलाई हार्दिक बधाई सहित पूर्ण सफलताको शुभकामना गर्दछाैैं ।