१५ चैत्र, प्यूठानप्यूठान उध्योग वाणिज्य संघका अध्यक्ष केदारमान कक्षपती र हाम्रो राम्रो ग्रुपका अध्यक्ष सन्देश आचार्यले संयुक्तरुपमा क्वारेन्टाईनका लागि आवस्यक सामाग्री प्यूठान नगरपालीकालाई उपलव्ध गराउनु भएको छ।
प्यूठान नगरपालीकास्थित निर्माण गरिएका क्वारेन्टाईनलाई आवश्यकता अनुसार प्रयोग गर्नेगरी सामाग्रीहरु प्राप्त भएको प्यूठान नगरपालीकाका नगरप्रमुख अर्जुनकुमार कक्षपतीले वताउनु भयो। कक्षपती र आचार्यले संयुक्तरुपमा २० थान व्लाङकेट, २०थान म्याट, २० थान सिरानी र २० थान तन्ना उपलव्ध गराउनुभएको हो।
निजी क्षेत्र पनि विपदमा मौन नरहेर सामाजीक उत्तरदायित्वमा सहभागीता जनाउन क्वारेन्टाईनका लागि आवश्यक सामाग्री उपलव्ध गराएको आचार्यले वताउनु भयो।
यस्तै, राज डेकोर होम बिजुवारका प्रोप्राईटर झपेन्द्र शर्माले क्वारेन्टाईनका लागी १० थान सिरानी र १० थान ब्लाङ्केट प्युठान नगरपालिकालाई हस्तान्तरण गर्नुभएको छ । २०६८ साल देखि प्युठान बिजुवारमा फर्निचर फर्निसिङ्ग ब्याबसाय गर्दै आउनुभएका युवा ब्याबसायि शर्माले सामाजिक उत्तरदायीत्वका हिसाबले आफुले स्वत स्फुर्त रुपमा ब्याक्तीगत ढंगबाट बिपदको घडिमा सामग्री दिएको बताउनु भयो ।
यस्तै,
प्यूठान नगरपालीका मेयर अर्जुनकुमार कक्षपतीले खाध्यान्न सकिएर संकटमा परेको एक विपन्न परिवारलाई दैनिक उपभोग्य सामाग्री सहयोग उपलव्ध गराउनु भएको छ। वर्डा नं ३ का धन वहादुर केएमको परिवारलाई चामल, दाल, नुन र तेल दिनुभएको हो।
