नौवहिनी गाँउपालिका वर्डा नं ८(फोप्ली) लाई कोरोना संक्रमणवाट वचाउन सर्वदलिय/सर्वपक्षिय समिती गठन गरिएको छ। महामारीवाट वच्न सवै पक्षको सहभागिता जरुरी हुने भएकाले सवै राजनितीक दल र नागरिक समाजका अगुवा सम्मिलित समिती गठन गरिएको वडाअध्यक्ष ओविराम वि क ले जानकारी दिनुभयो।

सर्वपक्षिय वैठकले कोरोना संक्रमणवाट वच्न लकडाउनलाई थप कार्यन्वयन गर्न जरुरी रहेको निष्कर्ष निकाल्दै पैदल आवतजावतमा समेत थप कडाई गर्ने निर्णय गरेको छ। स्थानिय मौलिकतामा लकडाउनलाई थप कडाईपुर्वक कार्यन्वयन गर्दै दैनिक खेतिपाती र जरूरी कार्यहरुमा अपनाउनुपर्ने सावधानी सम्वन्धी जनचेतनामुलक अभियान सञ्चालन गर्ने निर्णय भएको नौवहिनी गाउँपालिका कार्यपालिका सदस्य तारा विक ले वताउनु भयो। उहाँका अनुसार अत्यावश्यक वाहेक वडाहरुमा पैदलमार्गवाट भैरहेका आवतजावतलाइ समेत पुर्णरुपमा निशेध गर्ने निर्णय भएको छ।

वडामा वडावाहिरवाट पछिल्लो समयमा भित्रिएका नागरिक र हाल वडावाहिर रहेका नागरिकको अवस्थासम्वन्धी तथ्यांक संकलन गरी वडावासिलाई समस्या परेको अवस्थामा व्यवस्थापनका लागि आवश्यक कदम चाल्ने सहमती भएको छ। साविकका वडाहरुमा समेत वडा सदस्यको नेतृत्वमा सर्वपक्षीय समिती वनाईएको छ। लकडाउन र होम क्वारेन्टाईनको नितिलाई पुर्ण कार्यन्वयन गर्न वस्तिहरुमा समेत सर्वपक्षिय सहकार्य गरिएको सदस्य विक ले वताउनु भयो।