News Portal

रेडियो सुन्नुहोस्

कोरोना परिक्षणका लागि जिल्लाका प्राविधिकहरुलाई अभिमुखीकरण

सिखबर संवाददाता१० जेठ, २०७७
५८२ पटक
१० जेठ, २०७७

कोरोना परिक्षणका लागि सहजता ल्याउने उद्देश्यले प्युठान जिल्लामा रहेका ल्याब प्रयोगशालाकर्मीहरुलाई प्रशिक्षित गरिएको छ।
जिल्ला स्वास्थ्य कार्यालय प्युठानको आयोजनामा जिल्लामा रहेका १६ जना प्रयोगशालाकर्मीहरुलाई जिल्लामा र्यापिड डाइगोनोस्टिक टेस्ट (आर.डि.टी)र स्वाब संकलन कसरी गर्न सकिन्छ भन्ने बिषयमा छलफल गरि जानकारी गराईएको कार्यक्रममा सहभागी ल्याब प्रयोगशालाकर्मी बोम बहादुर परियारले जानकारी दिनुभयो।
कोरोना भाइरस सम्बन्धी नमुना संकलन गर्न कन्ट्रयाक्ट टे«सिङ, केस अनुसन्धान, आर.डि.टी परिक्षण, नजल र ओरल स्वाब संकलन, महामारी तथा विपत ब्यवस्थापन कार्यमा थप सहजता ल्याउनका लागि अभिमुखीकरण कार्यक्रम सञ्चालन गरिएको जिल्ला स्वास्थ्य कार्यालय प्युठानका प्रमुख विशाल सुवेदीले जानकारी दिनुभयो।
जिल्लामा अहिलेसम्म कोरोना भाइरस संक्रमित नभएता पनि पछि कुनै समस्या आउन सक्ने तर्फ सजगता अपनाउँदै समस्या समाधानका लागि प्रयोगशालाकर्मीको अभाव हुन नदिनका लागि तयारी गरिएको सुवेदीको भनाई छ।
नागरिकको समस्यामा आफुहरु आवश्यक परे रातदिन खट्न तयार रहेको जिल्ला अस्पताल प्युठानका प्रयोगशाला प्रमुख डोर बहादुर खड्काले बताउनुभयो। कार्यक्रमको सहजीकरण समेत गर्नुभएका खड्काले अहिलेसम्म जिल्लामा नाकबाट स्वाब संकलन गर्ने गरेको बताउनु भयो । जिल्लामा अहिले भन्दा आगामी दिनहरुमा अझ जोखिम बढ्न सक्ने भएकाले सुरक्षित रुपमा पिपिईको प्रयोग गरि काम गर्न सबै प्रयोगशालाकर्मीलाई आग्रह गर्नु भयो।
विपतको बेला नागरिकको समस्यामा राज्यले आफुहरुको आवश्यकता महसुस गरेमा २४ सै घण्टा सेवा दिन तयार रहेको फोर्टिनाइन मल्टी टेक्निकल इन्स्टिच्युटका ल्याब संकायका संयोजक तथा मेडिकल ल्याब्रोटरी एसोशियन अफ नेपाल प्युठानका अध्यक्ष बिनोद के.सीको भनाई छ। अभिमुखीकरणबाट कोरोना परिक्षणका लागि सहजता हुने विश्वास लिन सकिने स्वास्थ्य पत्रकार मञ्च प्युठानका संयोजक नोमराज पौडेल बताउनुहुन्छ ।

प्रतिकृया दिनुहोस्

गणतन्त्र आएपनि जनताको समस्या जस्ताको त्यस्तै

१७ औं गणतन्त्र दिवस प्यूठानमा विभिन्न कार्यक्रम गरी मनाईएको छ । दिवसको अवसरमा प्यूठानको खलंगामा...

पौडेल बंश महासंघ लुम्बिनी प्रदेशको पहिलो बैठक स्वर्गद्धारीमा सम्पन्न

प्यूठान, पौडेल बंश महासंघ लुम्विनी प्रदेश कमिटीको पहिलो बैठक प्यूठानको प्रमुख धार्मिक तथा पर्यटकिय स्थल...

कालिबहादुर के.सि. को स्मृतिमा श्रद्धाञ्जली कार्यक्रम सम्पन्न

सामाजिक अगुवा तथा बौद्धिक ब्यक्तित्व काली बहादुर के.सी.को स्मृतिमा श्रद्धाञ्जली कार्यक्रम सम्पन्न भएको छ ।...

माण्डवी ३ मा निशुल्क कम्प्यूटर तालिम सञ्चालन

माण्डवी गाउँपालिका ३ मा ३ महिने निशुल्क कम्प्यूटर तालिम सञ्चालन भएको छ । वडामा गठन...

चितवन बस दुर्घटना : थप एक पुरुषको मृत्यु

नारायणगढ–मुग्लिन सडकमा चारवटा गाडी ठोक्किएर भएको दुर्घटनामा थप एक जना पुरुषको मृत्यु भएको छ ।...