प्यूठान, जिल्लामा हजारौंको संख्यामा जिल्लाबासी भित्रिन थालेपछि यिनको ब्यवस्थापनमा प्रहरीलाई हम्मे हम्मे परेको छ।
प्यूठान नगरपालिकाको पहलमा मंगलबार राति नेपाल भारत सिमाना कपिलबस्तुको कृष्णनगर, बाँकेको नेपालगञ्ज लगाएतका नाकाबाट एकै लटमा एक सय पचास जनाको उद्धार गरियो।
उनीहरुको ब्यवस्थापनको लागि खेलकुद मैदानको क्वारेन्टाइनमा प्रहरीले नाम टिप्दै थियो। प्रहरीको मुखमा माक्स नै थिएन, भारतबाट आएका जिल्लाबासीको नजिकै गएर नाम टिप्ने काम प्रहरीले गरिरहेको थियो।
रातदिन जिल्लाबासीको सेवामा कार्यरत प्रहरीले मास्क पनि नलगाई खटिएको नजिकै पत्रकार गिरु प्रसाद भण्डारी पनि हुनुहुन्थ्यो। प्रहरीले गरेको दुःख नजिकबाट हेरिरहेका पत्रकार महासंघ प्यूठानका निवर्तमान अध्यक्ष भण्डारीले भन्नुभयो–“ रातदिन जिल्लाबासीको सेवामा खटिएको प्रहरीलाई राम्रो माक्स समेत नभएको देख्दा सवै भन्दा पहिले कोरोनाले प्रहरीलाई संक्रमण गर्न सक्छ भन्ने चिन्ता लाग्यो। चाहेर नचाहेर प्रहरी नजिकै जाँनै पर्छ कोहि भाग्न थाल्यो भने उसलाई पक्रन पर्यो उहाँले थप्नुभयो।
पत्रकार भण्डारीलाई प्रहरीले भोगेको समस्या मनमा खेलिरहेकाले जिल्लाका केहि मेडिकल संचालनलाई उहाँले प्रहरीलाई राम्रो माक्स र सेनिटाइजर सहयोग गर्न अनुरोध गरेको बताउनुहुन्छ। उहाँको आग्रहलाई सक्रिय फर्मा बिजुवारका संचालक नविन गौतम र सक्रिय प्याथोलोजिका बिनोद के.सीले सहजै स्वीकार गरि प्रहरीलाई पिपिई हस्तान्तरण गरिएको छ।
इलाका प्रहरी कार्यालय बिजुवारका प्रहरी निरिक्षक ज्ञानेन्द्र बहादुर चौधरीले २८ वटा सेनिटाइजर र २८ वटा ल् ९५ माक्स प्रदान गरिएको छ। प्रहरीको समस्या बुझेर सयोग गरेकोमा प्रहरी निरिक्षक चौधरीले धन्यबाद समेत दिनुभयो। इलाका प्रहरी कार्यालय बिजुवारमा प्रहरी निरिक्षकको चौधरीको नेतृत्वमा २८ जना प्रहरीहरु कार्यरत हुनुहुन्छ।