प्यूठान । खलंगा सरोकार समुहले गाइजात्रा २०७८ को अवसरमा विविध कार्यक्रमको आयोजना गर्ने भएको छ । सोमबार खलंगामा समुहका संयोजक मनोज कुमार श्रेष्ठको संयोजकत्वमा बैठक बसी यस्तो निर्णय गरेको हो ।

बैठकले गत वर्षको गाईजात्रा पछि दिवंगतहरूको सामुहिक श्रद्दाञ्जलि कार्यक्रम भाद्र ५ गते शनिबार साझ ६:०० बजे पार्टी चोक खलंगामा गर्ने निर्णय गरेको छ । यो श्रद्धाञ्जली कार्यक्रममा हुने सम्पूर्ण खर्चको आर्थिक सहयोग मल्लरानी ग्रामीण बिकास सरोकार केन्द्र मार्फत गरिने जानकारी अध्यक्ष निर्मल प्रसाद श्रेष्ठले प्रतिवद्दता ब्यक्त गरेका छन ।

गाईजात्रा सञ्चालनका लागि स्थानीय प्रशासनको स्वीकृती लिनका लागि वडा अध्यक्ष, नेवा:खल, खलंगा सरोकार समूहको प्रतिनिधिमण्डल सहित भाद्र ३ गते जिल्ला प्रशासन कार्यालय प्यूठान जाने समेत निर्णय गरेको छ ।

बैठकका सहभागिहरुले खलंगा बजार क्षेत्रमा सडक बत्ती मर्मत र संभारका लागि ध्यानाकर्षण गराएको थियो । बैठकमा सहभागी गाउँपालिका प्रमुख प्रशाकिय अधिकृत बालकृष्ण थापाले बजेट बिनियोजित भइ सकेकोले अब छिट्टै मर्मत तथा नयाँ जडान हुने जानकारी दिए ।

कार्यक्रममा मल्लरानीगाउँपालिका वडा नं ४ का वडा अध्यक्ष कुमार श्रेष्ठ नेवा खल खलंगाका अध्यक्ष बसन्त शाक्य गाउँपालिका प्रमुख प्रशासकिय अधिकृत बालकृष्ण थापा लगायत स्थानीय अगुवा बुद्धिजिविहरुको सहभागीता रहेको थियो ।

वर्तमान परिस्थितिलाई दृस्टिगत गरी गाईजात्रा व्यवस्थित, भब्य, सभ्यतापूर्वक संस्कृतिको मर्म अनुरुप सम्पन्न गर्नको लागि दिवंगतहरूको परिवार, स्थानीय युवा, नेवा खल: परिवार, जनप्रतिनिधि लगायतको भाद्र ३ गते सामुहिक बैठक बस्ने निर्णय भएको छ ।