दश वर्षे सशस्त्र यूद्धका घाईतेहरुले लुम्बिनी प्रदेसका मुख्यमन्त्रीलाई सात बुँदे ध्यानाकर्षणपत्र वुझाएका छन् । शान्ति प्रक्रियामा प्रवेश गरेको १६-१७ वर्ष पुरा भएपनि घाइते अपाङ्गहरुको जीवनस्तरमा कुनै परिवर्तन नआएको भन्दै उनीहरुले मुख्यमन्त्री कुल प्रसाद के सी समक्ष ध्यानाकर्षणपत्र वुझाएको राजेन्द्र रावत क्षेत्रीले बताए।

उनिहरुका मागहरु यस्ता छन्ः
१. सामुहिक पेशा व्यवसायको लागि घाइते योद्धाहरुलाई प्रतिव्यक्ति कम्तिमा रु.३००००० (तिन लाख) सम्म उपलब्ध गराउनु पर्ने ।
२. दाङको संक्राममा रहेको जनमुक्ति सेनाको ब्यारेकलाई गणतान्त्रिक घाइते योद्धा नामले (संग्रालय) पार्क निर्माणको लागि बजेट विनियोजन गर्नुपर्ने ।
३. जनयूद्ध/जनआन्दोलनका घाइतेहरुलाई गणतान्त्रिक घाइते नामक शिर्षकबाट कम्तिमा मासिक रु.७००० (सात हजार) सम्म भत्ता उपलब्ध गराउनु पर्ने ।
४. जनयूद्धका घाइतेहरुलाई अनिवार्य जीवन बिमा गरिदिनु पर्ने ।
५. घाइते योद्धाअरुलाई राजनितिक नियुक्ति गर्नु पर्ने ।
६. पर्ण अशक्त घाइतेका परिवारमा कम्तिमा १ जनालाई सरकारी रोजगारीको व्यवस्था गर्नु पर्ने ।
७. सजिलोपनको निशुल्क स्वस्थ्य उपचारको व्यवस्था मिलाउनु पर्ने ।