स्वर्गद्वारी गरपालिकाले आर्थिक वर्ष २०७५/०७६ को बजेट तेस्रो नगरसभाबाट स्तुत गरेको छ । स्वर्गद्वारी नगरपालिका प्रमुख नेत्र बहादुर रोकायलद्वारा बजेट बक्तव्य प्रस्तुत गरिएको हो । जस अन्तर्गत कुल बजेट तर्फ ४० करोड १० लाख २७ हजार विनियोजन गरेको छ । त्यस्तै चालु तर्फ प्रशासनिक खर्चको लागि रू ६ करोड रकम विनियोजन गरेको छ । समानिकरण अनुदान र सर्त अनुदानका पुजिगत र चालू प्रकृतिका कार्यक्रम संचालन गर्न रू ३४ करोड १० लाख २७ हजार, जसमध्ये प्रत्येक वडामा वडास्तरिय योजनाका लागि रू ५० लाखको दरले सिलिङ उपलब्ध गराएको छ ।
कुल बजेट संघीय सरकारवाट वित्तीय अनुदान समानिकरण अनुदान र राजस्व बाडफाड बापत प्राप्त हुने रकम रू १७ करोड ८७ लाख ७७ हजार, प्रदेश सरकारवाट समानीकरण अनुदान बापत प्राप्त हुने रू ४२ लाख ९० हजार सर्त अनुदान बापत प्राप्त हुने रू १६ करोड ७ लाख र आन्तरिक श्रोत समेत समावेस गरेको छ ।