पोट्रोल पम्पका लागि नेपाल आयल निगम नेपालगञ्ज डिपोले पठाएकोभन्दा पम्पमा ३ सय २८ लिटर कम तेल आएसंगै विच वाटोमै ट्याङकरवाट पेट्रोलियम पदार्थ चोरी हुने गरेको रहस्य खुलेको छ। शोमवार योगि पेट्रोलपम्प जस्पुर प्यूठानमा आएको तेलमा ३ सय २८ लिटर कम परेपछी यसको रहस्य खुलेको हो।

मंगलवार यो घटनासंगै जिल्लाका पेट्रोल पम्प सञ्चालकहरुले ईलाका प्रशासन कार्यालय जस्पुरमा छानविनका लागि निवेदन दिएका छन्। “हामि पम्पमा कम पेट्रोल डिजेल आउने समस्या वाट पिडित थियौं। आज विच वाटोमै तेल निकाल्ने गरेको पत्ता पाएपछी ईलाका प्रशासन कार्यालय जस्पुर चकचकेमा निवेदन दिएका छौं।” पेट्रोलपम्प सञ्चालक दामोदर योगिले भने “चालकले तेल निकालेको स्विकार गरेको छ।”

जीवनदान आयल सप्लायर्सका सञ्चालक भेष वहादुर ढकाल, झिमरुक आयल सप्लायर्सका सञ्चालक जुमानसिंह जि.सी., योगि व्रदर्शका सञ्चालक दामोदर योगि र सरिता आयल स्टोरका सञ्चालक नरेश्वर लम्सालले संयुक्त रुपमा निवेदन दिएका हुन।

प्रहरिले ना ७ ख २८१३ नम्वरको ट्यांकरका चालक श्यामुराम लाबतलाई नियन्त्रणमा लिएको छ। घटनावारे अनुसन्धान जारी रहेको जिल्ला प्रहरी कार्यालय प्यूठानका ईन्स्पेक्टर देवि पौडेलले जानकारी दिनुभयो।