अर्काको नाममा मोटरसाईकलको ट्रायल दिने नक्कली परिक्षार्थी पक्राउ परेका छन्।

महानगरीय ट्राफिक प्रहरी महाशाखाले रामेछापका २२ वर्षीय मदन रायलाई राजधानिको स्वयम्भू ट्रायल सेन्टरमा अर्घाखाँचीका २६ वर्षीय लेखबहादुर बिसीको नाममा मोटरसाइकलको ट्रायल दिँदै गर्दा पक्राउ गरेको हो।

महानगरीय ट्राफिक प्रहरी महाशाखाका प्रमुख वसन्तकुमार पन्तले पछिल्लो समय अर्काको नाममा झुक्याएर ट्रायल दिने विद्यार्थीलाई विशेष कडाइ गरिएको बताउनुभयो। उहाका अनुसार नियन्त्रणमा लिएका रायलाई महानगरीय प्रहरी वृत्त स्वयम्भूमार्फत मुद्दा दायर गरिएको छ।