News Portal

रेडियो सुन्नुहोस्

विमानस्थलबाट सुन तस्करीमा सघाएको आरोपमा प्रहरी जवान पक्राउ

झुलेनी नेटवर्क२०७८ मंसिर १९ काठमाडौं,
२८७ पटक
२०७८ मंसिर १९ काठमाडौं,

सुन तस्करी गर्न सघाएको आरोपमा त्रिभुवन अन्तर्राष्ट्रिय विमानस्थलमा कार्यरत प्रहरी जवान पक्राउ परेका छन्।

त्रिभुवन अन्तर्राष्ट्रिय विमानस्थल कार्यालयका प्रमुख भन्सार प्रशासक महेश भट्टराईका अनुसार शुक्रबार एक प्रहरी जवानलाई नियन्त्रणमा लिएको छ। लागुऔषध नियन्त्रण ब्युरोबाट विमानस्थलमा खटिएका रूकुमका राजेन्द्र केसी पक्राउ परेका हुन्।

गत शुक्रबार दुबईबाट आएका ताप्लेजुङका दुर्गाधन लिम्बूले ५० ग्राम सुन ल्याएको र सो सुनको भन्सार छल्न प्रहरी जवान केसीले सघाएको आरोप लागेको हो। भन्सार प्रशासक भट्टराईका अनुसार उनले ५० ग्राम सुन ल्याएबापत ४८ हजार ६५ रुपैयाँ भन्सार तिर्नुपर्छ। तर सो छली गरी ल्याएको आरोप लागेपछि प्रहरीले छानबिन गरी उनीहरू दुबैलाई नियन्त्रणमा लिएर भन्सार कार्यालयमा बुझाएको हो।

’अभियान चालेको पहिलो दिनमै प्रहरी जवानले बाहिरबाट आउने व्यक्तिसँग मिलेमतो गरेर भन्सार नतिरी सुन ल्याएको भन्ने सूचना आयो,’ भट्टराईले भने, ’सूचना पाएपछि प्रहरीले सिसिटिभी फुटेज सबै अनुसन्धान ग¥यो।’

त्यसमा भन्सार छल्न सघाएको देखिएपछि आफूले नियन्त्रणमा लिन र त्यस्तो व्यक्तिहरूलाई कुनै छुट नहुने भन्दै थप अनुसन्धानको लागि कार्यालयमा पेश भएको उनले बताए। अहिले उनीहरूलाई महानगरीय प्रहरी वृत्त गौशालामा राखिएको छ। यद्यपि उनीहरूले ल्याएको सुन परीक्षण गर्न ल्याबमा राखिएको प्रहरीले जनाएको छ।

’यसरी गैरकानुनी किसिमले कसैले भन्सार छल्छ भने मैले आफ्नै कर्मचारी किन नहोस् कसैलाई छोडिँदैन,’ उनले भने। भन्सार ऐन अनुसार विदेशबाट ५० ग्राम सम्मका गहना ल्याउन छुट दिइएको छ। २५० ग्राम सम्मका गहना ल्याउन पाइन्छ भने २०० ग्रामको भने भन्सार तिर्नुपर्छ।

त्यस्तै, काँचो सुन भने १०० ग्राम सम्म मात्रै ल्याउन पाइन्छ। तर काँचो सुनको हकमा जति १ ग्राम देखि १०० ग्रामसम्म जति ल्याए पनि भन्सार तिर्नुपर्ने कार्यालयले जनाएको छ।

 

सेतोपाटी

प्रतिकृया दिनुहोस्

प्रजातन्त्र दिवस प्यूठानमा पनि विभिन्न कार्यक्रम गरि मनाईयो

प्रजातन्त्र दिवस प्यूठानमा पनि विभिन्न कार्यक्रम गरि मनाईएको छ । जिल्ला प्रशासन कार्यालय प्यूठानको आयोजनामा...

मुक्ति मा.विको ७२ औं वार्षिक उत्सव तथा अभिभावक भेला सम्पन्न

मुक्ति माध्यामिक विद्यालय रातामाटाको ७२ औं वार्षिक उत्सव तथा अभिभावक भेला सम्पन्न भएको छ ।...

घुमन्ते व्यापारीहरुलाई निरुत्साहित गर्न प्यूठान उद्योग वाणिज्य संघको होडिङ्ग वोर्ड

प्यूठान जिल्लामा अनाधिकृत रुपमा रहेका घुमन्ते व्यापारीहरुलाई निरुत्साहित गर्नको लागि प्यूठान उद्योग वाणिज्य संघले होडिङ्ग...

शिशु कल्याण प्रा.विले अभिभावक शिक्षा अभिमुखिकरण तालिम सञ्चालन गर्‍यो

प्यूठान नगरपालिका ७ टाकुराचौर स्थित शिशु कल्याण प्रा.वि ले अभिभावक तथा अभिभावक शिक्षा अभिमुखिकरण तालिम...

सहकारीको मुल्यमान्यतालाई टेकेर सहकारी सञ्चालन गर्न प्रजिअ अर्यालको आग्रह

प्रमुख जिल्ला अधिकारी नारायण प्रसाद अर्यालले जिल्लामा रहेका सहकारी सञ्चालक समितिलाई सहकारीको मुल्यमान्यता भित्र रहेर...