News Portal

रेडियो सुन्नुहोस्

प्रेस चौतारी नेपाल प्युठानको अधिवेशन सम्पन्न : संगठनको नेतृत्व गिरिले पाए

झुलेनी नेटवर्क २०७८ पुस २२
७६० पटक
२०७८ पुस २२

प्रेस चौतारी नेपाल प्युठानको सातौं जिल्ला अधिवेशन सम्पन्न भएको छ । शुक्रबार होटल आयुष्मा जुम्री प्युठानमा सम्पन्न सातौं अधिवेशनले बासुदेव गिरिको अध्यक्षतामा ११ सदस्यीय कार्यसमिति निर्विरोध निर्वाचित गरेको छ ।
समितिको उपाध्यक्षमा महेश थापा (आभास) र शिवा रेग्मी, सचिवमा दिल बहादुर दशौदी, सह-सचिवमा नोमराज पौडेल शर्मा र सृजना सेन र कोषाध्यक्षमा बोम बहादुर परियार चयन भएका छन् ।
त्यसैगरी सदस्यहरुमा सीता न्यौपाने, हेमन्त पाठक, तेजेन्द्र बुढा मगर, माया घर्ति मगर चयन भएका छन् ।
प्रदेश प्रतिनिधिमा कमल बि. क., रबिन्द्र पाण्डे, प्यार अलि खान, माया घर्ती मगर, सृजना सेन र कृष्णराज पाण्डे चयन भएका छन भने केन्द्रिय प्रतिनिधिमा सुजल श्रेष्ठ, मित्र थापा र शिवा रेग्मी चयन भएका छन् ।
कार्यक्रममा नेकपा एमाले पोलिट्व्युरो सदस्य तथा प्युठान जिल्ला इन्चार्ज सुर्य थापाले आगामी संघीय निर्वाचनमा प्रेस चौतारीको नयाँ कार्यसमितिले पार्टीको पक्षमा व्यापक प्रचारप्रसार गरि यो संगठनलाई जिल्लामा बलियो खम्बाको रूपमा स्थापित गर्नेछ भन्दै शुभकामना दिएका थिए ।
कार्यक्रमका प्रमुख अतिथि नेकपा एमाले स्थाई कमिटी सदस्य मणिचन्द्र थापाले सञ्चार क्षेत्रमा प्रेस चौतारी नेपालले खेलेको भुमिका अत्यन्तै सराहनीय भएको भन्दै संचारकर्मी आफैले लगानी गरि मिडिया संचालन गर्न नसकेको र उनिहरुलाई सहज रुपले काम गर्ने वातावरण मिलाउन राजनैतिक दल र संचारकर्मीहरु बिच सहकार्य हुन जरुरी भएको बताएका छन् । साथै जिल्लामा सक्रिय चौतारीका पत्रकारहरुलाई आफू र सिङ्गो पार्टीको तर्फबाट सदैव सहयोग हुने प्रतिबद्धता जाहेर गरेका थिए ।
यस्तै प्रेस चौतारी नेपालका केन्द्रिय सचिव भरत के.सी.ले संगठनलाई विधि पद्धतिमा लैजान नयाँ कार्यसमितिले महत्वपूर्ण भुमिका खेलोस भन्ने शुभकामना दिदै प्रेस चौतारीले कोभिड-१९ के बेला लिएको प्रस्ताव र स्वास्थ्य बिमामा खेलेको भुमिका अरु कुनै संगठनले नगरेको बताएका छन् । गठबन्धनबाट नेतृत्व लिएको महासंघ आफैमा अहिले विवादित बन्दै गएकोले यसलाई चुनौती दिन प्रेस चौतारीले महत्त्वपूर्ण भुमिका खेल्ने समेत बताएका छन् ।
चौतारी प्युठानका संयोजक नोमराज पौडेलले संगठनको प्रतिवेदन पेस गर्दै नयाँ बन्ने कार्यसमितिले जिल्ला पार्टीको कुनैपनी कार्यक्रम र तथ्यमा आधारित भावी कार्ययोजनालाई व्यापक प्रचारप्रसार गरोस् भन्दै शुभकामना दिएका थिए ।

प्रतिकृया दिनुहोस्

गौमुखीमा भएको मानसिक स्वास्थ्य शिविरबाट ९५ जनाले सेवा लिए

निःशुल्क विशेषज्ञ मानसिक रोग सम्बन्धि स्वास्थ्य शिविर गौमुखी गाउँपालिकामा सम्पन्न भएको छ । गौमुखी गाउँपालिकाको...

गणतन्त्र आएपनि जनताको समस्या जस्ताको त्यस्तै

१७ औं गणतन्त्र दिवस प्यूठानमा विभिन्न कार्यक्रम गरी मनाईएको छ । दिवसको अवसरमा प्यूठानको खलंगामा...

पौडेल बंश महासंघ लुम्बिनी प्रदेशको पहिलो बैठक स्वर्गद्धारीमा सम्पन्न

प्यूठान, पौडेल बंश महासंघ लुम्विनी प्रदेश कमिटीको पहिलो बैठक प्यूठानको प्रमुख धार्मिक तथा पर्यटकिय स्थल...

कालिबहादुर के.सि. को स्मृतिमा श्रद्धाञ्जली कार्यक्रम सम्पन्न

सामाजिक अगुवा तथा बौद्धिक ब्यक्तित्व काली बहादुर के.सी.को स्मृतिमा श्रद्धाञ्जली कार्यक्रम सम्पन्न भएको छ ।...

माण्डवी ३ मा निशुल्क कम्प्यूटर तालिम सञ्चालन

माण्डवी गाउँपालिका ३ मा ३ महिने निशुल्क कम्प्यूटर तालिम सञ्चालन भएको छ । वडामा गठन...