ववाह, पर्व, मेला र उत्सवमा पञ्चेबाजा बजाउने चलन पछिल्लो समय लोप हुँदै गएका छन् । गाउँमा पञ्चेबाजा बजाउँदै गरीने विवाहको रौनकता बेग्लै हुन्थ्यो । बाजा ताल धेरैलाइ मन पर्ने परम्परागत धुन हो । चौरासी पुजा र विवाहमा बजाउने सनाई, थौकुडी, टेम्कुली, झ्याली र बाजा तालमा कम्मर ढल्काए खुवै नचरी लाग्थ्यो ।

आजभोली भने परम्पारागत बाजा ताल लोप हुँदै गएको छ । विवाह र उत्सवमा डेक बजाएर नाँच्ने प्रचलन बढेको छ । होटेल, रेष्टुरेन्ट र पार्टी प्यालेसमा विवाह गर्ने प्रचलन बढेको हो । गाउँबाट विवाह गर्नका लागि युवा युवतीहरु बजारका खुलेका पार्टी प्यालेसमा झर्ने क्रम बढ्दो छ ।

पञ्चेबाजा बजाउनेहरुको गुजारा चल्न छाडेपछि उनीहरु बैकल्पिक पेशा खोज्न बाध्य छन्। यो सँगै परम्परागत पञ्चेबाजा र मौलिकता पनि लोप हुन थालेको हो । साउण्ड सिस्टम र डेक बजाएर नाँच्ने चलन झनै बढेको छ । नयाँ युवा पुस्तामा देखासिकीमा विवाह गर्ने चलन बढ्दा गाउँघरमा परम्परागत विहे गर्न छोडेका हुन् ।

युवा पुस्ताले परम्परागत बाजा बजाउन छोड्नु र आधुनिकतासँगै रेडिमेट गितको प्रयोग बढ्नाले मौलिकता हराएको हो ।