नेपकपा एमालेका पोलिटव्यूरो सदस्य तथा प्यूठान जिल्ला इन्चार्ज सूर्य थापाले एमाले प्यूठानले राजमोलाई प्यूठानमा बोक्दा बोक्दा काँध दुखेकाले आगामी निर्वाचनमा राजमोलाई गहना लाइदिनेगरि नबोक्ने बताएका छन् ।
प्रसे चौतारी नेपाल प्यूठान शाखाले आईतबार एमाले पार्टी कार्यालय बिजुवारमा आयोजना गरेको पत्रकार सम्मेलनमा प्रमुख अतिथिकोरुपमा बोल्दै थापाले पार्टीमा ठूलो संख्यामा राजमो पार्टी परित्यग गरेर आएका नेता कार्यकर्ताको भावनालाई ठेस लाग्नेगरि राजमोसंग चुनाबी तालमेल नहुने बताएका हुन् ।
प्यूठानका संघिय सांसद दुर्गा पौडेललाई आपूmहरुले झन्डै २८ हजार मत दिएर विजय गराएपछि राजनीतिक बइमानी गरेको आरोप थापाले लगाए । एमाले प्यूठानले स्थानीय तह लक्षित ९ वटै स्थानीय तहमा गरेको एक महिने पार्टी पशिक्षण भेला तथा संगठन सुद्ढिकरण अभियानबारे अध्यक्ष विजयविराज बिष्टले जानकारी गराए ।

पार्टीले चलाएको यो अभियानमा प्यूठानमा विभिन्न पार्टी परित्याग गरी झन्डै ४५ सय जना एमाले पार्टीमा प्रवेश गरेको अध्यक्ष बिष्टले बताए । पत्रकार सम्मेलनको अध्यक्षता प्रसे चौतारी नेपाल प्यूठान शाखाका अध्यक्ष बाशुदेव गिरीले गरेका थिए भने सञ्चालन सचिब डिलबहादुर दसौदीले गरेका थिए ।