काठमाडौं – सरकारले कर्मचारीको वृद्धभत्ता अर्थात पेन्सनमा कर लगाएको छ। वृद्धभत्ता बढाउने भनेर चुनावमा भोट बटुलेको केपी शर्मा ओली सरकारका अर्थमन्त्री युवराज खतिवडाले वृद्धभत्ता बढाउनु त कहाँ हो कहाँ कर्मचारीको वृद्धभत्तामा कर लगाएका हुन्।

यससँगै अब अवकाश प्राप्त सरकारी कर्मचारीको पेन्सनमा समेत कर लाग्ने छ। अर्थमन्त्री खतिवडाले अवकाश प्राप्त सरकारी कर्मचारीको पेन्सनमा कर लाग्ने गरी ऐन बनाउन निर्देशन दिएसँगै अवकास प्राप्त सरकारी कर्मचारीले पाउँदै आएको पेन्सनमा समेत कर लाग्ने निश्चित भएको हो।

संघीय निजामति सेवाको गठन, संचालन र सेवा शर्तका सम्बन्धमा तयार भएको ऐनको मस्यौदामा पेन्सनमा कर लाग्ने गरी ऐन बनाउन अर्थमन्त्री खतिवडाले अनावश्यक हस्तक्षेप गर्दै पेन्सनमा कर लाग्ने व्यवस्था गर्न निर्देशन दिएका छन् ।

यसअघि पेन्सनमा कर नलाग्ने प्रस्ताव उक्त मस्यौदामा गरिएको थियो । तर, अर्थमन्त्री खतिवडाले मन्त्रीस्तरीय निर्णय गर्दै ऐनमा भएको ‘पेन्सनमा कर नलाग्ने’ व्यवस्था हटाएर प्रचलित आयकर ऐनको व्यवस्था अनुसार ऐन बनाउन निर्देशन दिएका हुन् ।

उनको निर्देशन अनुसार ऐन बनेमा अवकास प्राप्त सरकारी कर्मचारीले पाउँदै आएको पेन्सनमा १ प्रतिशत कर लाग्ने छ । पेन्सन निवृत भएका कर्मचारीको वृद्धभत्ता नै हो क्ष् पेन्सन पाउनेले बृद्ध भत्ता पाउन्नन ।