सवारी दुर्घटना न्युनिकरण र ट्राफिक नियम सम्वन्धी जनचेतना फैलाउने उदेश्यले दाङमा ट्राफिक सचेतना मुलक प्रशिक्षण कार्यक्रम सम्पन्न भएको छ ।
बिहिबार दाङको घोराही उप म.न.पा. १५ स्थित गोरखा बोर्डिङ स्कुलमा अध्ययनरत कक्षा ११ का १०० भन्दा बढि विद्यार्थीहरूलाई प्रशिक्षण दिएको जिल्ला ट्राफीक कार्यालय दाङ ले जनाएको छ ।
ट्राफिक प्रमुखको जिम्मेवारी पाए लगत्तै दाङ ट्राफिक प्रहरी कार्यालय, घोराही दाङका कार्यालय प्रमुख प्र.नि. झबिन्द्र परियारले सडक सुरक्षा तथा ट्राफिक नियम सम्बन्धि सचेतना कार्यक्रमलाई तिब्रता दिएको बताए ।
साथै उनले सबारी चालकहरुले बाटोमा यात्रा गर्दा ट्राफिक लाईटको कसरी प्रयोग गर्ने , पैदल यात्रीहरुले बाटो कसरी काट्ने , विद्यार्थी हरुले लेनको प्रयोग कसरी गर्ने र लागू औसध दुर्ब्यसन आदि बिसयमा प्रशिक्षण दिएको बताउनु भयो ।
त्यस्तै साइलेन्सरलाई मोडिफाई गरि चलाईएका मोटरसाइकलपनि नियन्त्रण लिई कार्बाही गरिएको परियारले बताए । यस्ता माेटरसाईकल लाई नियन्त्रण  गर्दा ध्वनि पदूषण लाई रोक्न सकिने उहाको भनाई छ ।