२०७५ कात्र्तिक ५प्यूठानः प्यूठानमा खुल्ला क्रिकेट प्रतियोगिता हुने भएको छ । अखिल नेपाल स्वतन्त्र विद्यार्थी युनियन(क्रान्तिकारी) प्यूठानले तत्कालिन जिल्ला कमिटि सदस्य महेश वि.क.को स्मृतिमा क्रिकेट प्रतियोगिता गर्ने जनाएको छ ।
सोमबार जुम्रीमा पत्रकार सम्मेलन गरी ‘दोश्रो महेश स्मृति खुल्ला क्रिकेट प्रतियोगिता २०७५’ गर्न लागेको जानकारी गराएको हो । ५० हजार विजेता पुरस्कार राशी रहेको क्रिकेट प्रतियोगिता रहेको अखिल क्रान्तिकारीका केन्द्रीय सदस्य तथा प्यूठान जिल्ला इन्चार्ज सुमनराज श्रेष्ठले जानकारी दिए । ‘पछिल्लो समयमा यूवाहरुलाई खेलकुद प्रति आकर्षण गर्न प्रतियोगिता आयोजना गरेका हौँ’ श्रेष्ठले भने । उनका अनुसार उपविजेताले २० हजार पुरस्कार पाउने छन् । प्रतियोगिता कात्र्तिक १६ गते देखि खेलकुद मैदान विजुवारमा हुने आयोजकले जनाएको छ । संगठनले २०७३ सालमा स्व.महेश वि.क.को स्मृतिमा क्रिकेट प्रतियोगिता आयोजना गरेको थियो ।
पछिल्लो समयमा क्रिकेट यूवापुस्ताको लोकप्रिय खेल बन्दै गएको छ । सुरुमा भलिवल लगायतका खेलहरु मात्रै प्रतियोगिताका रुपमा खेलिने प्यूठानमा पछिल्लो समयमा खलंगा, विजुवार, दिहाल्नाचौर, भिंग्री, बांगेशाल लगायतका स्थानमा प्रतियोगितात्मक रुपमा सञ्चालन हुने गर्दछ । जिल्लाका विभिन्न ठाउँमा क्रिकेट खेल प्रति मोह बढ्दै गएको छ ।
