News Portal

रेडियो सुन्नुहोस्

शुक्रबार नेपाल बारले सर्वोच्चका सबै इजलास बहिष्कार गर्ने

झुलेनी नेटवर्क२०७८ कात्तिक २५, काठमाडौं
२०६ पटक
२०७८ कात्तिक २५, काठमाडौं

नेपाल बार एसोसिएसनले शुक्रबार सर्वोच्च अदालतका सबै बेन्च बहिष्कार गर्ने भएको छ।

प्रधानन्यायाधीश चोलेन्द्र शमसेर राणाको राजीनामा माग गर्दै जारी आन्दोलनमा प्रहरीले वकिलहरूमाथि लाठीचार्ज गरी घाइते बनाएपछि बारले यस्तो निर्णय गरेको हो।

उसो त सर्वोच्च अदालतका १९ न्यायाधीशहरूले पनि प्रधानन्यायाधीश राणाको राजीनामा माग गर्दै बन्दीबाहेकका मुद्दामा इजलास बसिरहेका छैनन्। राणाले मात्र आफ्नो एकल इजलास तोक्दै सुनुवाइ गरिरहेका छन्।

बारले भने बन्दीप्रत्यक्षीकरणका मुद्दा तोकिएका इजलास समेत बहिष्कार गर्ने महासचिव लिलामणि पौडेलले जानकारी दिए।

’हामीले गरेको शान्तिपूर्ण आन्दोलनमाथि दमन भएको छ। हामीले अब भोलि सर्वोच्चका सबै इजलास बहिष्कार गर्ने भएका छौं,’ उनले भने, ’बन्दीप्रत्यक्षीकरणका मुद्दा परेका इजलास समेत बहिष्कार गर्ने कुरा भएको छ।’

नेपाल बारको बैठक बसिरहेकाले केही समयमा थप निर्णय आउने पनि उनले बताए।

प्रधानन्यायाधीश राणाको राजीनामा माग्दै बार एघार दिनदेखि आन्दोलनमा छ। वकिलहरूले नेपाल बारको परिसर र सर्वोच्च परिसरमा कालोपट्टी बाँधेर विरोध प्रदर्शन गर्दै आएका छन्।

सेतोपाटी संवाददाता

प्रतिकृया दिनुहोस्

हामीस‌ग जोडिनुहोस।

भौका सडक कहिले होला सुधार ?

प्यूठान नगरपालिका ४ बिजुवार स्थित भौका हँुदै मुख्य बजार प्रवेश गर्न भौका रोडमा यात्रागर्ने यात्रु...

हाम्रो नजर : गौमुखी गाउँपालिकाले कृषि उपज खरिद गर्ने

गौमुखी गाउँपालिकाले आफ्नो पालिका भित्रका विभिन्न ठाउँलाई कृषि उत्पादन पकेट क्षेत्र निर्माण गर्ने भएको छ...

मल्लरानिका महिला स्वास्थ्य स्वयंसेबिका हरुलाई नगद र स्वास्थ्य सामाग्री दिदै सम्मान

बाेम बहादुर परियार मंसिर २० सोमबार १९ औ सामुदायिक महिला स्वास्थ्य स्वयंम सेबिका दिबस प्युठान...

बिवाहमा जन्ती गएका सबै बिरामी परे

प्युठान नगरपालिका वडा न ६ माझकाेट गुरुङगाउमा ४६ जना विरामि परेका छन । पाल्पाको बुरखु्टा...

हामिस‌ग जोडिनुहोस।

समाचार सुचना र मनोरञ्जनका लागी