बिबश जि.एम२०८० माघ ५
२०८० माघ ५जिल्ला स्तरीय राष्ट्रपति रनिङशिल्ड प्रतियोगिता हुने भएको छ । शुक्रबार जिल्ला खेलकुद विकास समितिको कार्यालयमा बसेको बैठकले १३ औं राष्ट्रपति रनिङशिल्ड माघ २५ गतेदेखि सञ्चालन गर्ने मिति तय भएको जनाएको छ ।
खेल ३ दिन सम्म गणतान्त्रिक खेल मैदान बिजुवारमा सञ्चालन गर्ने निर्णय भएको जिल्ला खेलकुद बिकास समिति प्यूठानका अध्यक्ष हुमलाल नेपालीले जानकारी दिए ।
बैठकमा जिल्ला समन्वय समिति प्यूठानका प्रमुख धरम बहादुर जि.सी, प्रमुख जिल्ला अधिकारी नारायण प्रसाद अर्याल, जिल्ला प्रहरी कार्यालय प्यूठानका प्रमुख ईश्वर थापा, सशस्त्र प्रहरी बल प्यूठानका प्रमुख, नेपाली सेनाका प्रमुख, कार्य समितिका पदाधिकारी लगायतको सहभागिता रहेको थियो ।
फोटो : विमल प्रसाद पोख्रेल
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
