बिबश जि.एम२०८० फागुन १७
२०८० फागुन १७प्यूठानमा जीप दुर्घटना हुँदा चालक सहित ३ जना घाइते भएका छन् । बिहिबार मध्यान्ह १२ बजेको समयमा झिमरुक गाउँपालिका ३ दारिमचौरबाट मल्लरानी गाउँपालिका १ चुँदरीखोला तर्फ जाँदै गरेको भे १ च २५७५ नम्बरको जीप दुर्घटना भएको जिल्ला प्रहरी कार्यालय प्यूठानका सूचना अधिकारी हुमानन्द खनालले जानकारी दिए । उनका अनुसार जीपको ब्रेक फेल भई सडक देखि ६ मिटर तल खसेको छ ।
दुर्घटनामा परि झिमरुक गाउँपालिका ३ दारिमचौरका २५ बर्षिया विन्दु जि.सी, सोही ठाउँकी ३० बर्षिया उजेला खड्का र चालक झिमरुक गाउँपालिका २ बादिकोटका २२ बर्षिय सुनिल एम.सी रहेका छन् । घाईतेहरुको उपचार जिल्ला अस्पताल बिजुवारमा भईरहेको छ । जीपमा चालक सहित ३ जना सवार रहेको जिल्ला प्रहरी कार्यालय प्यूठानले जनाएको छ ।
फोटो : हेलो प्यूठान
