सरुमारानी गाउँपालिका ४ शिरखर्कमा मोटर बाटो पुगेको छ । गत बर्षदेखी सुरु भएकोे मोटर बाटो यो आर्थिक बर्षमा गाउँमै पुगेको सरुमारानी गाउँपालिका ४ नं वडा अध्यक्ष चिन्त बहादुर सोमै मगरले जानकारी दिए । पहिलो आर्थिक बर्षको रु एक लाख ५० हजार र यो आर्थिक बर्षको रु दुई लाख गरि जम्मा कुल लागत तीन लाख ५० हजारमा मोटर बाटो पुगेको हो । १६ घरधुरीमा १५० जना जनसंख्या भएको गाउँमा मोटर बाटो पुगेपछि त्यहाँका स्थानिय खुसी भएका छन् । बाटो आएसँगै अव यहाँ उत्पादन हुने गहत, मह, अदुवा लगायतका सामानहरु बजारसम्म पु¥याउन सजिलो हुने र बाजरबाट चाहिने सामानहरु घरसम्म बोकेर ल्याउनु पर्ने बाध्यता पनि नरहेको स्थानियले बताएका छन् ।

१६ घरधुरी भएको त्यो गाउँमा पहिलो आर्थिक बर्षमा नै ‘ एक घर एक धारा ’ बनिसकेको पनि अध्यक्ष मगरले जानकारी दिए । उद्घाटन कार्यक्रममा बोल्दै गाउँपालिका अध्यक्ष झग बहादुर बिश्वकर्माले पालिकाले चाल्नुपर्ने कदमहरु जनताको लागि सधै आफु तत्पर नै रहने बताएका हुन् । उद्घाटन कार्यक्रमको प्रमुख अतिथि तथा गाउँपालिका अध्यक्ष बिश्वकर्माले ससाना श्रोत साधनबाट नै बाटो पुगेको बताए । बाटोका लागि कच्ची नाली बनाउदा ४७ हजारको जनश्रमदान भएको उपभोक्ता समितिका अध्यक्ष नम बहादुर सोमै मगरले जानकारी दिए । त्यस्तै वडा अध्यक्ष मगरले बाटोका समिति अध्यक्ष लगाय सम्पुर्ण उपभोक्ताहरुलाई योजना सफल पार्नमा सहयोग गरेको भन्दै धन्यवाद समेत व्यक्त गरेका छन् ।