०५ माघ २०७९नौबहिनी गाउपलिका गंगा माद्यामिक विद्यालय बाहानेमा विद्यालयस्तरिय दोस्रो राष्ट्रपति रनिङ शिल्ड प्रतियोगिताको विहिबार उद्घाटन गरिएको छ । प्रतियोगिताको उद्घाटन गर्दै गाउँपालिका अध्यक्ष डिल बहादुर थापाले खेलाडीहरुलाई खेल अवधिभर अनुसाशित र सभ्य भएर खेल खेल्न आग्रह गरे । साथै उनले विद्यालयस्तरबाट विभिन्न विधामा खेल सिक्दै जिल्ला हुँदै राष्ट्रियस्तरको खेलाडी वन्ने उद्देश्य लिएर खेल क्षेत्रमा अगाडी बढ्न सुझाव समेत दिएका छन् ।
खेल ६ वटा विधामा खेलाइने राष्ट्रपति रनिङ सिल्ड प्रतियोगिताको आयोजक नौबहिनी गाँपालिकाले जनाएको छ ।
जस अन्तर्गत भलिबल, हाइजम्प, लङजम्प, कवड्डी, १ सय र २ सय मिटरका दौड लगायतका खेलहरु चरणबद्ध रुपमा संचालन भईरहेको छ । खेल प्रतियोगितामा नौबहिनी गाउपालिका अन्तर्गत रहेका १० वटा माद्यामिक विद्यालयका करिब ३ सय विद्यार्थीहरु सहभागी भएका छन् । विहिबार भएको पहिलो कार्यक्रमहरुमा १०० मिटर दौड र पहिलो चरणको एक सेट भलिबल खेल भएको छ । त्यस्तै स्वर्गद्धारी नगरपालिका र सरुमारानी गाउँपालिकामा पनि वुधबार देखी रनिङ शिल्ड सुरु भएको छ ।
